ۇقك-ءنىڭ شەكارا قىزمەتى ءباسپاسوز وكىلدىگىنىڭ حابارلاۋىنشا, قازاقستان-قىرعىزستان شەكاراسىنداعى «قورداي» كوپباعىتتى كەدەن بەكەتى جوندەۋ جۇمىسىنا بايلانىستى 20 اقپاننان باستاپ جابىلماق.
بەكەتتى قايتا قالپىنا كەلتىرۋ جۇمىسى قاشان اياقتالارى ازىرگە بەلگىسىز.
«20 اقپاننان باستاپ قازاقستاندىق تاراپتان «قورداي»، ال قىرعىزستاندىق تاراپتان «اق جول» وتكىزۋ بەكەتى جابىلادى. ول جەردە قايتا قالپىنا كەلتىرۋ جۇمىستارى جۇرگىزىلەدى. جوندەۋ جۇمىستارى قانشا ۋاقىتقا سوزىلاتىنى ازىرگە بەلگىسىز»، ا – دەدى شەكارا قىزمەتى ءباسپاسوز قىزمەتىنىڭ باسشىسى قاناتبەك سۇلتانوۆ.
ەكى ەلدىڭ ازاماتتارىنا كۇن سايىن تاڭعى 06.00-دەن تۇنگى 00.00-گە دەيىن شەكارادان جاياۋ وتۋگە رۇقسات ەتىلەدى. الايدا ولار تەك قول جۇگىن الىپ وتە الادى.
جوندەۋ جۇمىستارىنان كەيىن «قوردايدا» ۇزىن-سونار كەزەك ازايىپ، قازاقستاندىقتار ءۇشىن شەكارادان ءوتۋ جەڭىلدەي تۇسپەك. "قورداي" اۆتوكولىك وتكىزۋ بەكەتى جامبىل وبلىسى قورداي اۋدانى قورداي اۋىلدىق وكرۋگىنىڭ اۋماعىندا ورنالاسقان.
قازىر ەكى ەل اراسىندا 11 اۆتوكولىك وتكىزۋ پۋنكتى بار. ولاردىڭ بەسەۋى – كوپجاقتى حالىقارالىق، ال التاۋى – ەكىجاقتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟