B.M. Saparbaevtı Jambıl oblısınıñ äkimi qızmetine tağayındaldı. Foto: aşıq derekköz

Qazaqstan prezidenti Toqaev soñğı kezderi el kölemindegi atışulı oqiğanıñ oşağına aynalğan Jambıl oblısınıñ äkimi Asqar Mırzahmetovti qızmetinen bosatıp,  ornına eks-vice-prem'er Berdibek Maşbekwlı Saparbaevtı tağayındadı. 

7 aqpan keşki sağat 19:00-de Qorday audanınıñ Masanşı auılında 70-ten astam adam töbelesi bolğan. Äleumettik jelide tarağan janjaldıñ videosın körgen özge aymaqtağı 300-dey azamat oqiğağa aralasqan. Jappay töbeleste eki jaq bir-birine tas laqtırıp, tayaq-qaru qoldanğan. Saldarınan 8 adam köz jwmıp, 40-tan köp kisi jaralanğan.

Bügin tüste astanada ötken Ortalıq kommunikaciya qızmetindegi brifingte işki ister ministri Erlan Twrğımbaevtıñ mälimdeuinşe, qazir birneşe «bwzaqılıq» jäne «kisi öltiru» baptarımen is qozğalğan. Äzirge anıqtalğan derekterge qarağanda, qazaq-düngen qaqtığısında 36 twrğın üy, 11 kommerciyalıq nısan, 44 avtokölik örtenip, 40-qa juıq üydiñ terezeleri qirağan. Operativti toptıñ jwmısı nätijesinde, 47 küdikti wstalıp, onıñ ekeuinen qaru qwralı tärkilengen bolatın.

“The Qazaq Times”