جارلىقپەن جاڭارعان جامبىل: ساپارباەۆ كوميسسيا رەتىندە كەلىپ، اكىم بولىپ قالدى

قازاقستان پرەزيدەنتى توقاەۆ سوڭعى كەزدەرى ەل كولەمىندەگى اتىشۋلى وقيعانىڭ وشاعىنا اينالعان جامبىل وبلىسىنىڭ اكىمى اسقار مىرزاحمەتوۆتى قىزمەتىنەن بوساتىپ،  ورنىنا ەكس-ۆيتسە-پرەمەر بەردىبەك ماشبەكۇلى ساپارباەۆتى تاعايىندادى. 

7 اقپان كەشكى ساعات 19:00-دە قورداي اۋدانىنىڭ ماسانشى اۋىلىندا 70-تەن استام ادام توبەلەسى بولعان. الەۋمەتتىك جەلىدە تاراعان جانجالدىڭ ۆيدەوسىن كورگەن وزگە ايماقتاعى 300-دەي ازامات وقيعاعا ارالاسقان. جاپپاي توبەلەستە ەكى جاق ءبىر-بىرىنە تاس لاقتىرىپ، تاياق-قارۋ قولدانعان. سالدارىنان 8 ادام كوز جۇمىپ، 40-تان كوپ كىسى جارالانعان.

بۇگىن تۇستە استانادا وتكەن ورتالىق كوممۋنيكاتسيا قىزمەتىندەگى بريفينگتە ىشكى ىستەر ءمينيسترى ەرلان تۇرعىمباەۆتىڭ مالىمدەۋىنشە، قازىر بىرنەشە «بۇزاقىلىق» جانە «كىسى ءولتىرۋ» باپتارىمەن ءىس قوزعالعان. ازىرگە انىقتالعان دەرەكتەرگە قاراعاندا، قازاق-دۇنگەن قاقتىعىسىندا 36 تۇرعىن ءۇي، 11 كوممەرتسيالىق نىسان، 44 اۆتوكولىك ورتەنىپ، 40-قا جۋىق ءۇيدىڭ تەرەزەلەرى قيراعان. وپەراتيۆتى توپتىڭ جۇمىسى ناتيجەسىندە، 47 كۇدىكتى ۇستالىپ، ونىڭ ەكەۋىنەن قارۋ قۇرالى تاركىلەنگەن بولاتىن.

“The Qazaq Times”