Qazaqstannıñ müddesi zañmen qorğalğan eks-prezidenti Nwrswltan Nazarbaev. Foto: aşıq derekköz

Qazaqstannıñ eks-prezidenti Nwrswltan Nazarbaev Qauipsizdik keñesinde birqatar kadrlıq tağayındau jürgizdi.

Nazarbaevtıñ şeşimimen Timur Ğazizbekwlı Täşimbaev Qauipsizdik keñesi hatşısınıñ orınbasarı, Qayırgeldi Qayratwlı Eseneev Qauipsizdik keñesiniñ Äskeri qauipsizdik jäne qorğanıs böliminiñ meñgeruşisi, Azamat Ömirzaqwlı Beyisbekov Qauipsizdik keñesiniñ bölim meñgeruşisiniñ orınbasarı qızmetine tağayındaldı.

Sonday-aq  keñes hatşısınıñ orınbasarı Mwrat Qalibekwlı Baymwqaşev pen Äskeri qauipsizdik jäne qorğanıs bölimi meñgeruşisiniñ orınbasarı Andrey Anatol'eviç Kalinin özge qızmetke auısuına baylanıstıqızmetinen bosatılıptı.

Eldegi äleumettik narazılıq örşip twrğan twsta memlekettik küzet qızmeti men WQK-nen bastap Qauipsizdik keñesine deyin kadrlıq tağayındau jüruiniñ sebebin sarapşılar men belsendiler ärtürli tüsindiredi. Sayasattanuşı Äzimbay Ğali qazirgi aq saray basınan sayasi dağdarıs keşirip jatqanın,  mwnıñ birden-bir sebebin qosbilik emes, «üşbastı» ükimet pen atqaruşı biliktiñ işinen şi şığuımen baylanıstıradı.

– Twtas biliktiñ özi konservatorlar men progressivter bolıp ekige bölingen. Bir-birin şala tıñdaydı, keyde moyındamaydı, bir-birine bağınbaytın siyaqtı. Bilik bir ğana qolğa şoğırlanuı kerek. Bwl bwlğaq, uaqıtşa sayasi dağdarıstıñ qaşan ayaqtaları belgisiz. ...Ketem degen adam, ketpek bolsañ zımıra degen princip bolu kerek. Sayasi lyustraciya jasau kerek, birinşi adam ğana özgerip qoymay, bwrınğı kadrlar ketu kerek jüyeden. ...Bilik qazir üşbastı boldı: biri Nwrekeñ, biri Toqaev jäne biri Dariğa. Qay bas ülken ekenin aytuğa boladı. Nazarbaevtıñ äkimşilik pärmeni mıqtıraq. Mwnday sayasi dağdarıstı toqtatu kerek. Nwrekeñ «aytqanımnan qaytpaymın, bilikti pälenşege berdim, bäriñ soğan qwlaq asıñdar» dep kesip aytsa dwrıs bolar edi. Racionaldı äreketterdi qolğa alğan dwrıs, – deydi sayasi tehnolog.

“The Qazaq Times”