كىتاپحانادان كەلگەن پارمەن: نازارباەۆ قاۋىپسىزدىك كەڭەسىندە اۋىس-ءتۇيىس جاسادى

قازاقستاننىڭ ەكس-پرەزيدەنتى نۇرسۇلتان نازارباەۆ قاۋىپسىزدىك كەڭەسىندە بىرقاتار كادرلىق تاعايىنداۋ جۇرگىزدى.

نازارباەۆتىڭ شەشىمىمەن تيمۋر عازيزبەكۇلى تاشىمباەۆ قاۋىپسىزدىك كەڭەسى حاتشىسىنىڭ ورىنباسارى، قايىرگەلدى قايراتۇلى ەسەنەەۆ قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى، ازامات ومىرزاقۇلى بەيىسبەكوۆ قاۋىپسىزدىك كەڭەسىنىڭ ءبولىم مەڭگەرۋشىسىنىڭ ورىنباسارى قىزمەتىنە تاعايىندالدى.

سونداي-اق  كەڭەس حاتشىسىنىڭ ورىنباسارى مۇرات قاليبەكۇلى بايمۇقاشەۆ پەن اسكەري قاۋىپسىزدىك جانە قورعانىس ءبولىمى مەڭگەرۋشىسىنىڭ ورىنباسارى اندرەي اناتولەۆيچ كالينين وزگە قىزمەتكە اۋىسۋىنا بايلانىستىقىزمەتىنەن بوساتىلىپتى.

ەلدەگى الەۋمەتتىك نارازىلىق ءورشىپ تۇرعان تۇستا مەملەكەتتىك كۇزەت قىزمەتى مەن ۇقك-نەن باستاپ قاۋىپسىزدىك كەڭەسىنە دەيىن كادرلىق تاعايىنداۋ ءجۇرۋىنىڭ سەبەبىن ساراپشىلار مەن بەلسەندىلەر ءارتۇرلى تۇسىندىرەدى. ساياساتتانۋشى ءازىمباي عالي قازىرگى اق ساراي باسىنان ساياسي داعدارىس كەشىرىپ جاتقانىن،  مۇنىڭ بىردەن-ءبىر سەبەبىن قوسبيلىك ەمەس، «ءۇشباستى» ۇكىمەت پەن اتقارۋشى بيلىكتىڭ ىشىنەن شي شىعۋىمەن بايلانىستىرادى.

– تۇتاس بيلىكتىڭ ءوزى كونسەرۆاتورلار مەن پروگرەسسيۆتەر بولىپ ەكىگە بولىنگەن. ءبىر-ءبىرىن شالا تىڭدايدى، كەيدە مويىندامايدى، ءبىر-بىرىنە باعىنبايتىن سياقتى. بيلىك ءبىر عانا قولعا شوعىرلانۋى كەرەك. بۇل بۇلعاق، ۋاقىتشا ساياسي داعدارىستىڭ قاشان اياقتالارى بەلگىسىز. ...كەتەم دەگەن ادام، كەتپەك بولساڭ زىمىرا دەگەن پرينتسيپ بولۋ كەرەك. ساياسي ليۋستراتسيا جاساۋ كەرەك، ءبىرىنشى ادام عانا وزگەرىپ قويماي، بۇرىنعى كادرلار كەتۋ كەرەك جۇيەدەن. ...بيلىك قازىر ءۇشباستى بولدى: ءبىرى نۇرەكەڭ، ءبىرى توقاەۆ جانە ءبىرى داريعا. قاي باس ۇلكەن ەكەنىن ايتۋعا بولادى. نازارباەۆتىڭ اكىمشىلىك پارمەنى مىقتىراق. مۇنداي ساياسي داعدارىستى توقتاتۋ كەرەك. نۇرەكەڭ «ايتقانىمنان قايتپايمىن، بيلىكتى پالەنشەگە بەردىم، ءبارىڭ سوعان قۇلاق اسىڭدار» دەپ كەسىپ ايتسا دۇرىس بولار ەدى. راتسيونالدى ارەكەتتەردى قولعا العان دۇرىس، – دەيدى ساياسي تەحنولوگ.

“The Qazaq Times”