Memleket basşısı Q.K. Toqaevtıñ Jambıl oblısındağı jağdayğa baylanıstı alğaş mälimdeme jasağan kezi. 8 aqpan 2020 jıl. Foto: Aqorda

Prezident Qasım-Jomart Toqaev Qorday tragediyasına baylanıstı jwmısına salğırt qarağanı üşin tört adamdı qızmetinen bosatudı tapsırdı. 

Aqorda taratqan aqparda:

«QR Prezidenti Qasım-Jomart Toqaev Jambıl oblısınıñ äkimi A.Mırzahmetovke Jambıl oblısı, Qorday audanında kisi ölimine, twrğın üylerdiñ qirap, azamattardıñ dünie-mülikteriniñ bülinuine äkep soqtırğan oqiğağa baylanıstı oblıs äkiminiñ äleumettik mäseleler jönindegi orınbasarı S.Qwrmanbekovanı jäne Qorday audanınıñ äkimi B.Baytöleni jwmıstarına salğırt qarağanı üşin qızmetinen bosatudı tapsırdı», – delingen.

Sonday-aq Toqaev işki ister ministri E.Twrğımbaevqa Jambıl oblısı policiya departamentiniñ bastığı A.Orazalievti jäne Qorday audanı policiya böliminiñ bastığı A.Ayqımbekovti qızmetinen bosatudı tapsırdı.

Memleket basşısı bas policeydi qabıldap, jağday turalı esebin tañdadı. Twrğımbaevqa  aymaqtağı ahualdı «qatañ baqılauğa alıp, azamattardıñ qauipsizdigine jäne elimizdiñ abıroyına nwqsan keltiretin osınday oqiğalarğa jol bermeu maqsatında qwqıqtıq tärtipti qamtamasız etudi tapsırıpt».

“The Qazaq Times”