Мемлекет басшысы Қ.К. Тоқаевтың Жамбыл облысындағы жағдайға байланысты алғаш мәлімдеме жасаған кезі. 8 ақпан 2020 жыл. Фото: Ақорда

Президент Қасым-Жомарт Тоқаев Қордай трагедиясына байланысты жұмысына салғырт қарағаны үшін төрт адамды қызметінен босатуды тапсырды. 

Ақорда таратқан ақпарда:

«ҚР Президенті Қасым-Жомарт Тоқаев Жамбыл облысының әкімі А.Мырзахметовке Жамбыл облысы, Қордай ауданында кісі өліміне, тұрғын үйлердің қирап, азаматтардың дүние-мүліктерінің бүлінуіне әкеп соқтырған оқиғаға байланысты облыс әкімінің әлеуметтік мәселелер жөніндегі орынбасары С.Құрманбекованы және Қордай ауданының әкімі Б.Байтөлені жұмыстарына салғырт қарағаны үшін қызметінен босатуды тапсырды», – делінген.

Сондай-ақ Тоқаев ішкі істер министрі Е.Тұрғымбаевқа Жамбыл облысы полиция департаментінің бастығы А.Оразалиевті және Қордай ауданы полиция бөлімінің бастығы А.Айқымбековті қызметінен босатуды тапсырды.

Мемлекет басшысы бас полицейді қабылдап, жағдай туралы есебін таңдады. Тұрғымбаевқа  аймақтағы ахуалды «қатаң бақылауға алып, азаматтардың қауіпсіздігіне және еліміздің абыройына нұқсан келтіретін осындай оқиғаларға жол бермеу мақсатында құқықтық тәртіпті қамтамасыз етуді тапсырыпт».

“The Qazaq Times”