توقاەۆ «ءىرى شەندىلەرگە ۇساق شەنەۋنىكتەردى ورنىنان بوساتۋدى» بۇيىردى

پرەزيدەنت قاسىم-جومارت توقاەۆ قورداي تراگەدياسىنا بايلانىستى جۇمىسىنا سالعىرت قاراعانى ءۇشىن ءتورت ادامدى قىزمەتىنەن بوساتۋدى تاپسىردى. 

اقوردا تاراتقان اقپاردا:

«قر پرەزيدەنتى قاسىم-جومارت توقاەۆ جامبىل وبلىسىنىڭ اكىمى ا.مىرزاحمەتوۆكە جامبىل وبلىسى، قورداي اۋدانىندا كىسى ولىمىنە، تۇرعىن ۇيلەردىڭ قيراپ، ازاماتتاردىڭ دۇنيە-مۇلىكتەرىنىڭ بۇلىنۋىنە اكەپ سوقتىرعان وقيعاعا بايلانىستى وبلىس اكىمىنىڭ الەۋمەتتىك ماسەلەلەر جونىندەگى ورىنباسارى س.قۇرمانبەكوۆانى جانە قورداي اۋدانىنىڭ اكىمى ب.بايتولەنى جۇمىستارىنا سالعىرت قاراعانى ءۇشىن قىزمەتىنەن بوساتۋدى تاپسىردى»، – دەلىنگەن.

سونداي-اق توقاەۆ ىشكى ىستەر ءمينيسترى ە.تۇرعىمباەۆقا جامبىل وبلىسى پوليتسيا دەپارتامەنتىنىڭ باستىعى ا.ورازاليەۆتى جانە قورداي اۋدانى پوليتسيا ءبولىمىنىڭ باستىعى ا.ايقىمبەكوۆتى قىزمەتىنەن بوساتۋدى تاپسىردى.

مەملەكەت باسشىسى باس پوليتسەيدى قابىلداپ, جاعداي تۋرالى ەسەبىن تاڭدادى. تۇرعىمباەۆقا  ايماقتاعى احۋالدى «قاتاڭ باقىلاۋعا الىپ، ازاماتتاردىڭ قاۋىپسىزدىگىنە جانە ەلىمىزدىڭ ابىرويىنا نۇقسان كەلتىرەتىن وسىنداي وقيعالارعا جول بەرمەۋ ماقساتىندا قۇقىقتىق ءتارتىپتى قامتاماسىز ەتۋدى تاپسىرىپت».

“The Qazaq Times”