Koronavirus infekciyasınıñ vizualdı körinisi. Foto: Reuters

Qıtayda koronavirustan qaza tapqandar sanı 908-ge jetti.

Olardıñ 6 mıñnan astamı auır halde jatır. Tağı 29 mıñnan astam kisi indet jwqtırğan degen qauippen tirkeldi. 2 600-dey adam jazılıp şıqtı desedi. Auruğa şaldıqqandarmen baylanısqa tüsken 300 mıñnan astam twrğın baqılauğa alınğan. Jwqpalı indettiñ Europağa keñinen taralu qaupi küşeydi. Franciyanıñ Kontamin-Monjua tau kurortında Singapurge barıp qaytqan britandıq azamattan 7 adam qauipti virustı jwqtırğanı anıqtaldı, onıñ biri – bala.

Oqiğağa baylanıstı francuz biligi 2 mektepti jauıp, tekseris jürgizip jatır. Bwl jöninde Franciya densaulıq saqtau ministrliginiñ ökili Jerom Salomon:

- İndetti jwqtırğan balamen baylanısqa tüsken jasöspirimderdiñ alğaşqı tobın tekserdik. Bügin, erteñ tağı 25 bala qaralıp, dertke şaldıqqandarmen qarım-qatınasta bolğan özge de adamdardı tekseretin bolamız, - dedi.

Osılayşa, Franciyada koronavairustı jwqtırğandardıñ sanı 11-ge jetti. Qıtaydıñ Uhan' qalasınan tağı 35 azamatın arnayı wşaqpen alıp qayttı. Olar Franciyanıñ oñtüstigindegi äskeri bazağa jetkizildi. Bwl – Franciyanıñ Uhan'nan öz azamattarın qaytaru boyınşa üşinşi reysi.

“The Qazaq Times”