Kqrneki suret. Foto: aşıq derekköz

6 qañtar men 3 aqpan aralığında elimizge Qıtay jäne körşi memleketterden 27 mıñ 896 adam kelgen.

Densaulıq saqtau ministrligi jürgizgen monitoring boyınşa, sanitarlıq-karantindik punkterde: Almatı qalasındağı halıqaralıq äuejayda – 21 mıñ 274 adam, temirjol vokzalında – 399 jolauşı tekserilgen.

«JRVI belgilerimen 88 adam köpşilikten oqşau auruhanağa jatqızıldı, onıñ 43-i jazılıp şıqtı. Qazir stacionarlarda 46 adam qaldı. Auruhanağa jatqızılğandardıñ barlığınıñ sınaması qosımşa baqılau üşin Almatıdağı Ayqımbaev atındağı asa qauipti jwqpalı aurulardıñ wlttıq ğılımi ortalığına jiberildi. Bwl ortalıq jaña koronavirustı PTR-diagnostikalau ädistemesin igergen» delingen vedomstvo habarlamasında.

Jeksenbidegi jağday boyınşa, älemde koronavirus infekciyasınıñ jaña tipimen auırğandar 17 205-ke, al indetten köz jwmğandar sanı 361-ge jetti. 2296 nauqastıñ jağdayı auır dep bağalanıp otır jäne 21 558 adam osı virustı jwqtırdı degen küdikke ilinip otır.

Sonday-aq keşe, 2 aqpan  Qazaqstan QHR aumağındağı indet oşağı sanalıtın Uhan qalasında jürgen 83 qazaqstandıqtı, onıñ işinde 80 studentti evakualiyalağan bolatın.

"The Qazaq Times"