كقرنەكى سۋرەت. فوتو: اشىق دەرەككوز

6 قاڭتار مەن 3 اقپان ارالىعىندا ەلىمىزگە قىتاي جانە كورشى مەملەكەتتەردەن 27 مىڭ 896 ادام كەلگەن.

دەنساۋلىق ساقتاۋ مينيسترلىگى جۇرگىزگەن مونيتورينگ بويىنشا، سانيتارلىق-كارانتيندىك پۋنكتەردە: الماتى قالاسىنداعى حالىقارالىق اۋەجايدا – 21 مىڭ 274 ادام، تەمىرجول ۆوكزالىندا – 399 جولاۋشى تەكسەرىلگەن.

«جرۆي بەلگىلەرىمەن 88 ادام كوپشىلىكتەن وقشاۋ اۋرۋحاناعا جاتقىزىلدى، ونىڭ 43-ءى جازىلىپ شىقتى. قازىر ستاتسيونارلاردا 46 ادام قالدى. اۋرۋحاناعا جاتقىزىلعانداردىڭ بارلىعىنىڭ سىناماسى قوسىمشا باقىلاۋ ءۇشىن الماتىداعى ايقىمباەۆ اتىنداعى اسا قاۋىپتى جۇقپالى اۋرۋلاردىڭ ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پتر-دياگنوستيكالاۋ ادىستەمەسىن يگەرگەن» دەلىنگەن ۆەدومستۆو حابارلاماسىندا.

جەكسەنبىدەگى جاعداي بويىنشا، الەمدە كوروناۆيرۋس ينفەكتسياسىنىڭ جاڭا تيپىمەن اۋىرعاندار 17 205-كە، ال ىندەتتەن كوز جۇمعاندار سانى 361-گە جەتتى. 2296 ناۋقاستىڭ جاعدايى اۋىر دەپ باعالانىپ وتىر جانە 21 558 ادام وسى ۆيرۋستى جۇقتىردى دەگەن كۇدىككە ءىلىنىپ وتىر.

سونداي-اق كەشە، 2 اقپان  قازاقستان قحر اۋماعىنداعى ىندەت وشاعى سانالىتىن ۋحان قالاسىندا جۇرگەن 83 قازاقستاندىقتى، ونىڭ ىشىندە 80 ستۋدەنتتى ەۆاكۋاليالاعان بولاتىن.

"The Qazaq Times"