Qazaqstan ükimeti koronavirustan qorğanuğa 1,5 mlrd teñge böldi

Älem jwrtın tiksintken qaterli koronavirus indetinen qorğanu qwraldarın satıp alu maqsatında Qazaqstan ükimet qorınan  qosımşa 1,5 milliard teñge bödi.

Vice-prem'er Berdibek Saparbaev mäjilis dälizinde qaumalağan jurnalisterge bergen jauabında:

– Keşe Ükimet qorğanıs zattarın, betperde jäne basqa da qajetti zattardı aluğa tapsırma berdi. Qaulığa qol qoyıldı. Ükimet qorınan qosımşa 1,5 milliard teñge bölindi. Sonımen qatar bwrınğı qor bar. Jalpı, jwrtşılıqqa medicinalıq kömek qajet bolğan jağdayda bizde barlıq mümkindikter - zattar da qarajat ta bar» – dedi.

Sonday-aq ükimet bastığınıñ oñ qolı jelidegi medicinalıq betperde tapşılığı turalı tarap jatqan aqparattı joqqa şığardı. «Olay emes, bizde adamdar baybalamğa salıp, köptep satıp alıp jatır. Bılay etudiñ qajeti joq. Bizde medicinalıq betperde jetkilikti. Eger bir därihanada bolmay jatsa, bizge aytıñızdar, sonda jetkizemiz», – dep sözin tolıqtırdı.

Saparbaev qazirgi uaqıtta qazaqstandıq studentterdi şığaru boyınşa el ükimeti Qıtaydıñ sırtqı ister ministrligimen jwmıs istep jatqanın jetkizdi.

– 680 turistiñ jartısı elge oraldı. Bizdiñ esebimiz boyınşa, bügin-erteñ barlığı Qazaqstanğa kelui tiis. Qazirgi tañda elge qaytamız degen studentterdi alıp keluge wşaq dayındap qoydıq. Olarda Qıtaydıñ jaña jıl merekesin toylauğa baylanıstı demalıs. ...Eñ bastısı bizdiñ Qıtay tarapımen kelisuimiz jäne biz sonıñ ayasında jwmıs isteymiz, – dedi prem'er-ministrdiñ orınbasarı.

Tağı bir mäsele, elge kelgen azmattar jiti baqılauğa alınbaq. Saparbaevtıñ sözinşe, «olar elge oralğan soñ, karantinge oqşaulanadı äri 2 apta arnayı auruhanada keşendi baqılauda boladı». Densaulığınan kinäratı anıqtalmay, sau ekenine köz jetkizilse, onda üyine qatarıladı. Tipti «äuejayda olarmen arnayı medicinalıq qızmetkerlerden basqa eşkim baylanısta bolmaydı, klinikağa qızmettik avtobuspen aparıladı».

"The Qazaq Times"