Qazaqstanda koronavirusqa qarsı şekteu şaralı küşeytildi. Qazaqstannıñ Bas memlekettik sanitar därigeri Ayjan Esmağambetova koronavirus infekciyasınıñ aldın alu jönindegi şaralardı odan äri küşeytu turalı qaulı qabıldadı. Bwl turalı QR DSM Tauarlar men körsetiletin qızmetterdiñ sapası men qauipsizdigin baqılau komiteti.

Qaulığa säykes, Qazaqstanğa şetelden keletin barlıq adam 2 täulikke deyin COVID-19-ğa zerthanalıq tekseru jürgizu üşin karantindik stacionarda oqşaulanadı. COVID-19 auruınıñ belgisi bar adamdar karantindik stacionarğa emes, provizorlıq stacionarğa emdeuge jatqızıladı. Şekaradan ötken soñ 5 künnen keşiktirilmey PTR zerthanalıq tekserude teris nätije körsetken anıqtaması bar adam şet elden kelgen adam üyde (üy karantin) 14 täulik boyı oqşaulanadı. Üyde oqşaulau üşin jağday bolmağan jağdayda karantindik stacionarda oqşaulau wsınıladı.

Qazaqstanğa şet elden kelgen diplomatiyalıq ökildik, konsuldıq mekeme jäne halıqaralıq wyımdar ökildiginiñ qızmetkerleri jäne olardıñ otbası müşeleri tekseristen ötedi jäne 14 täulik boyı üyde özin-özi üy jağdayındağı karantinge jatqızıladı.

Aviakompaniyalardıñ ekipajdarı, lokomotiv brigadalarınıñ müşeleri qoñırau şalu arqılı (mümkindiginşe beyneqoñırau şalu) twrğılıqtı (kelgen) jeri boyınşa medicinalıq baqılauğa alınadı.

Öñirde koronavirus sırqattanuşılığı 7%-dan asatın deñgeyde tirkelgen jağdayda oblıstardıñ, Almatı, Nwr-Swltan, Şımkent qalalarınıñ aumaqtarındağı şekteu is-şaraları qolğa alınbaq. Ortalıq memlekettik organdar, qwqıq qorğau jäne arnayı organdar, oblıstardıñ, Almatı, astana, Şımkent qalalarınıñ äkimderi öñirde COVID-19 sırqattanuşılığınıñ ösui 7%-dan asatın deñgeyde tirkelgen jağdayda köpşilik is-şaraların (merekelik, sporttıq-köpşilik, oyın-sauıq, konferenciyalar, seminarlar, körmeler jäne t. b.) ötkizuge tıyım saladı. Sonday-aq kinoteatrlar, tüngi klubtar, fitnes, trenajer zaldarı (ortalıqtarı), sauda-oyın-sauıq ortalıqtarı janındağı balalardıñ oyın alañdarı, mektepten tıs qosımşa bilim beru wyımdarı (damıtu, bilim beru ortalıqtarı, üyirmeler, fakul'tativter jäne t.b.), komp'yuter klubtarı, Tokio-2020 Olimpiada jäne Paraolimpiada oyındarına wlttıq qwrama komandaların dayındau üşin olardı paydalanu kezeñinde ğana Wlttıq olimpiada komitetinde akkredittelgen sporttıq bazalardı qospağanda, sport keşenderiniñ (üyirmeler, sekciyalar) qızmetin toqtatıladı.

Öñirde COVID-19 sırqattanuşılığınıñ ösui 7%-dan asatın deñgeyde tirkelgen jağdayda Qazaqstan Respublikası Bilim jäne ğılım ministrligi 1) bilim beru wyımdarın qaşıqtıqtan oqıtuğa, onıñ işinde bilimdi bağalaudıñ barlıq türlerin qaşıqtıqtan jürgizuge köşiruge, oquşılardıñ ekskursiyasına tıyım saludı qamtamasız etedi.

Vahtalıq ädispen jwmıs isteytin, «Teñizşevroyl» JŞS ob'ektilerinen demobilizaciyalanğan adamdar COVID-19-ğa zerthanalıq tekseru jürgizu üşin kelgen ornı boyınşa karantindik stacionarda 2 täulikke deyin oqşaulauğa jatadı, oñ nätijeli adamdar emdeu üşin infekciyalıq stacionarğa auıstırıladı, COVID-19-ğa teris nätijeli adamdar 12 täulik boyı üyde (üy karantini) oqşaulanadı.

Köliktegi Bas memlekettik sanitariyalıq därigeri öñirdegi jäne älemdegi qalıptasqan epidemiologiyalıq jağdaydı eskere otırıp, şet elderden kelgen jolauşılardı karantindeu turalı şeşim qabıldauğa qwqılı. Qazaqstan Respublikası Industriya jäne infraqwrılımdıq damu ministrligi halıqaralıq jolauşılar qatınastarın şekteudi qamtamasız etu mindettelgen.

"The Qazaq Times"