الەم جۇرتىن تىكسىنتكەن قاتەرلى كوروناۆيرۋس ىندەتىنەن قورعانۋ قۇرالدارىن ساتىپ الۋ ماقساتىندا قازاقستان ءۇكىمەت قورىنان  قوسىمشا 1,5 ميلليارد تەڭگە ءبودءى.

ۆيتسە-پرەمەر بەردىبەك ساپارباەۆ ءماجىلىس دالىزىندە قاۋمالاعان جۋرناليستەرگە بەرگەن جاۋابىندا:

– كەشە ۇكىمەت قورعانىس زاتتارىن، بەتپەردە جانە باسقا دا قاجەتتى زاتتاردى الۋعا تاپسىرما بەردى. قاۋلىعا قول قويىلدى. ۇكىمەت قورىنان قوسىمشا 1,5 ميلليارد تەڭگە ءبولىندى. سونىمەن قاتار بۇرىنعى قور بار. جالپى، جۇرتشىلىققا مەديتسينالىق كومەك قاجەت بولعان جاعدايدا بىزدە بارلىق مۇمكىندىكتەر - زاتتار دا قاراجات تا بار» – دەدى.

سونداي-اق ۇكىمەت باستىعىنىڭ وڭ قولى جەلىدەگى مەديتسينالىق بەتپەردە تاپشىلىعى تۋرالى تاراپ جاتقان اقپاراتتى جوققا شىعاردى. «ولاي ەمەس، بىزدە ادامدار بايبالامعا سالىپ، كوپتەپ ساتىپ الىپ جاتىر. بىلاي ەتۋدىڭ قاجەتى جوق. بىزدە مەديتسينالىق بەتپەردە جەتكىلىكتى. ەگەر ءبىر ءدارىحانادا بولماي جاتسا، بىزگە ايتىڭىزدار، سوندا جەتكىزەمىز», – دەپ ءسوزىن تولىقتىردى.

ساپارباەۆ قازىرگى ۋاقىتتا قازاقستاندىق ستۋدەنتتەردى شىعارۋ بويىنشا ەل ۇكىمەتى قىتايدىڭ سىرتقى ىستەر مينيسترلىگىمەن جۇمىس ىستەپ جاتقانىن جەتكىزدى.

– 680 ءتۋريستىڭ جارتىسى ەلگە ورالدى. ءبىزدىڭ ەسەبىمىز بويىنشا، بۇگىن-ەرتەڭ بارلىعى قازاقستانعا كەلۋى ءتيىس. قازىرگى تاڭدا ەلگە قايتامىز دەگەن ستۋدەنتتەردى الىپ كەلۋگە ۇشاق دايىنداپ قويدىق. ولاردا قىتايدىڭ جاڭا جىل مەرەكەسىن تويلاۋعا بايلانىستى دەمالىس. ...ەڭ باستىسى ءبىزدىڭ قىتاي تاراپىمەن كەلىسۋىمىز جانە ءبىز سونىڭ اياسىندا جۇمىس ىستەيمىز، – دەدى پرەمەر-ءمينيستردىڭ ورىنباسارى.

تاعى ءبىر ماسەلە، ەلگە كەلگەن ازماتتار ءجىتى باقىلاۋعا الىنباق. ساپارباەۆتىڭ سوزىنشە، «ولار ەلگە ورالعان سوڭ، كارانتينگە وقشاۋلانادى ءارى 2 اپتا ارنايى اۋرۋحانادا كەشەندى باقىلاۋدا بولادى». دەنساۋلىعىنان كىناراتى انىقتالماي، ساۋ ەكەنىنە كوز جەتكىزىلسە، وندا ۇيىنە قاتارىلادى. ءتىپتى «اۋەجايدا ولارمەن ارنايى مەديتسينالىق قىزمەتكەرلەردەن باسقا ەشكىم بايلانىستا بولمايدى، كلينيكاعا قىزمەتتىك اۆتوبۋسپەن اپارىلادى».

"The Qazaq Times"