Almatıdağı Adam qwqıqtarı men zañdılıqtı saqtau jönindegi halıqaralıq byuroda Azattıq radiosı, QazTAG agenttiginiñ jurnalisterine jasalğan şabuıl men sayttardıñ bwğattaluına baylanıstı baspasöz mäslihatı ötti.

Jiınğa qorğauşı Ayman Omarova, Qazaqstandağı adam qwqıqtarı men zañdılıqtı saqtau halıqaralıq byurosınıñ direktorı Evgeniy Jovtis, advokat Inara Masanova jäne yurist Gülmira Quatbekova qatıstı.

2019 jıldıñ 22 şildesinde Almatıdağı qazaqstandıq adam qwqıqtarı men zañdılıqtı saqtau byurosındağı baspasöz jiınına qatısuğa kelgen Azattıq pen özge de birqatar BAQ jurnalisterine bir top belgisiz äyel şabuıl jasağan. Ğimarat dälizinde Azattıqtıñ tüsirilim tobına belgisiz bes äyel tarpa bas saldı. Olar Azattıq operatorı Toqmolda Qwsayınovqa şabuıldap, onıñ qolındağı videokameranı sındırıp, akkumulyatorın suırıp aldı. Bolğan oqiğanı smartfonğa tüsirip almaq bolğan tilşi Nwrgül Tapaevağa qol jwmsadı.

Öz müddelerin qorğau üşin «Azattıq» radiosı qorğauşı Ayman Omarovanı, al AQQHB qorğauşı Inara Masanovanı iske tarttı.

Tamız ben qırküyekte şabuıl jasağan adamdardı jurnalisterdiñ zañdı käsibi qızmetine kedergi keltirgeni üşin jauapqa tartu turalı ötiniş berilgen, biraq ol qabıldanğan joq. Küni büginge deyin eşbir tergeu äreketi jürgizilmegenin aytqan Evgeniy Jovtis «jurnalist qwqıqtarı» mäselesinde äli künge deyin «äy deytin äje, qoy deyin qoja» bolmay twr deydi.

Jiında söz bostandığı mäselesin tilge tiek etip, prezident Qasım-Jomart Toqaevqa ündeu joldağan qorğauşı Ayman Omarova: «Bwl jurnalistege qarsı jasalğan qılmıs. Bwl Qazaqstannıñ imidjin qwrtadı, bwl elde söz bostandığı joq ekenin körsetedi»,– dedi.

Soñğı uaqıttarı elimizde jurnalisterdiñ jwmısına kedergi keltiru oqiğaları jiilep ketti. Köpşilik jwrt mwnı bilik tranzitimen baylanıstıruda. Osığan deyin «Şekarasız tilşiler», «Jurnalisterdi qorğau komiteti» (Committee to Protect Journalists, CPJ) sındı halıqaralıq wyımdar Qazaqstandağı söz bostandığı, BAQ ökilderine körsetiletin qısım, internettiñ bwğattaluın birneşe märte sınğa alıp, bilikke ündeu-hat joldağan. Qazirgi uqaqıtta RSF halıqaralıq wyımınıñ reytingisinde söz bostandığı boyınşa Qazaqstan 180 eldiñ işinde 158-orında twr.

"The Qazaq Times"