11 mlrd dollarlıq joba: Qazaqstan-BAÄ kezdesuinde qanday qwjattarğa qol qoyıldı?

27 qañtarda Qazaqstan prezidenti Qasım-Jomart Toqaev Birikken Arab Ämirlikterine resmi saparmen barğan. Jospar boyınşa taraptar 11 mlrd dollardıñ investiciyalıq jobaların jüzege asırmaq.

Kezdesu barısında birqatar qwjattarğa qol qoyılıp, biznes ökilderimen jiındar ötkizildi. Atap aytqanda, QR Sauda jäne integraciya ministrligi men BAÄ ekonomika ministrligi arasındağı özara tüsinistik turalı memorandumğa qol qoyıldı. «Astana» halıqaralıq qarjı ortalığınıñ qarjılıq qızmet körsetudi retteu jönindegi komiteti men BAÄ Ortalıq banki arasındağı özara tüsinistik turalı memorandum qabıldandı.

Sonımen qatar, QR Energetika ministrligi men BAÄ Energetika jäne önerkäsip ministrligi arasında mwnay-himiya önerkäsibi salasındağı özara tüsinistik pen ıntımaqtastıq turalı memorandum jasaldı. Qazaqstan tarapınan qwjatqa Energetika ministri Nwrlan Noğaev, al Ämirlikter tarapınan Energetika jäne önerkäsip ministri Suheyil Äl-Mazuri qol qoydı.

Qazaqstan prezidenti: «Bizdiñ ıntımaqtastığımız köpqırlı qarım-qatınas pen ärtürli bağıtı jağınan ülgi bola aladı. Ämirlikter - osı aymaqtağı bastı seriktesimiz. 2019 jıldıñ qañtar-qaraşa ayları aralığında bizdiñ tauar aynalımımız ötken jıldıñ säykes kezeñimen salıstırğanda 10%-ğa artıp, 500 million AQŞ dolları boldı», – dedi.

2018 jılı BAÄ men Qazaqstannıñ sau­da aynalımı 490 mln AQŞ dolların qwra­sa, 2019 jıldıñ qañtar-qaraşa ara­­lı­ğında 500 mln AQŞ dollarınan asqan. Sonımen qatar, eki el arasında qol qoyılğan In­ves­ticiyalardı ıntalandıru jäne özara qorğau turalı kelisimniñ arqa­sın­da investorlar wzaq merzimdi twraq­tılıqpen qamtamasız etildi. Osı uaqıtqa deyin elimiz­diñ ekonomikasına Ämirlikterden tartılğan tikeley investiciyalar kölemi 2,1 mlrd AQŞ dollardan astı. Osı jıldıñ mausım-şilde aylarında qwrılısı tolığımen ayaqtalatın «Äbu Dabi Plaza» köp­funk­cionaldıq keşeni jobasına ämir­likter tarapı 1,2 mlrd AQŞ dollarınan astam investiciya salğan.

"The Qazaq Times"