Reseydiñ jaña prem'er-ministri Mihail Mişustin. Foto: Ria

Reseydiñ ükimet basına kelgen Mihail Mişustinniñ milliarder qarındası BAQ nazarına ilikti. Mälimetterge qarağanda jaña prem'erdiñ qarındası Nataliya Steninanıñ Mäskeude qwnı 1 mlrd AQŞ dollarına teñ jıljımaytın mülki bar. Alayda, onıñ jwrtqa belgili jalğız ğana biznesi bar, eñ qızığı onıñ bwl restoranı özin aqtamay jabılıp qalğan.

Resey jäne şeteldik aqparat közderi Nataliya Steninanıñ ieligindegi jıljımaytın mülikterdiñ aşıq derekterde körsetilmeytinin jazadı. Ol ielik etken qwndı jıljımaytın mülikterdiñ köbi memleket ieliginde dep körsetilgen. Soñğı kezderi reseylik şeneunikterdiñ ieligindegi jıljımaytın mülikter «Resey Federaciyasınıñ ieliginde» dep körsetile bastağan. Bwl ärine sırt közge solay bolğanımen qazirgi prem'er Mişustin basqarıp kelgen Federaldıq salıq qızmetinde onıñ naqtı ieleri belgili. Biraq, bwnday mälimetter köpşilikke qol jetimdi emes.

Jaña prem'erdiñ milliarder qarındası. Foto: BBC

Nataliya Stenina Mäskeudegi Knightsbridge Private Park kompleksine ielik etedi. Ondağı päterlerdiñ är şarşı metri qazirgi narıqta 1 mln rubl' dep bağalanğan. Biraq, bwl kompleks Steninağa tiesili bağalı jıljımaytın mülikterdiñ biri ğana.

Mäskeudegi Knightsbridge Private Park kompleksi. Foto: BBC

Resey lauazımdılarınıñ dünie-mülki turalı zerttep körgen BBC jurnalisteri joğarıdağıday ädistermen mülik ielenu sol eldegi joğarı lauazımdılar arasında qalıptı qwbılıs sanalatının aytadı.

“The Qazaq Times”