قىتايدىڭ قازاقستانعا شەكارالاس ايماعىنان ۆيرۋس جۇقتىرعاندار انىقتالدى

قىتاي بيلىگى 18 ادامنىڭ جانىن جالماعان قاۋىپتى ۆيرۋستى تاراتپاۋدىڭ شارالارىن قولدانىپ باعۋدا. سوڭعى مالىمەتتەردە كوروناۆيرۋستى 600-دەن استام ادام جۇقتىرعان. سونداي-اق، ۆيرۋس قىتايدىڭ قازاقستانمەن شەكارالاس شىنجاڭ جەرىنە دە جەتتى جانە اقش، تايلاند، وڭتۇستىك كورەيا، ۆەتنام، ساۋد ارابيا ەلدەرىنە دەيىن جەتتى.

قاۋىپتى ۆيرۋستىڭ وشاعى بولعان حۋبەي پروۆينتسياسىندا ەكى قالادا ايرىقشا ءتارتىپ ورناتىلدى. ياعني، قالا تۇرعىندارى باسقا ايماقتارعا شىعارىلمايدى، باسقا ايماقتاردان ەشكىم كىرگىزىلمەيدى. ۋحان قالاسى بۇدان ەكى كۇن بۇرىن كارانتين جاعدايىنا وتكەن. بىراق، ەكسپەرتتەر بۇل شارالاردىڭ ناتيجەسىنەن كۇماندانىپ وتىر.

كەشەگى مالىمەتتەردەن، قازاقستانعا شەكارالاس شىنجاڭ جەرىنەن قاۋىپتى ۆيرۋسقا شالدىققان ەكى ادام انىقتالعان. بۇل ەكەۋى دە ۋحان قالاسىنان شىنجاڭعا قايتىپ كەلگەن. ۆيرۋس جۇقتىرعانداردىڭ ءبىرى ستۋدەنت بولسا، ەندى ءبىرى جۇمىسكەر.

قاۋىپتى ۆيرۋستىڭ تارالۋىن توقتاتۋ ءۇشىن جاسالىپ جاتقان شارالار قاتارىندا ارنايى ماسكالار دا بار. دەگەنمەن، قىتايلىق الەۋمەتتىك جەلىلەردە قازا بولعاندار مەن ينفەكتسياعا شالدىققاندار سانى ۇكىمەتتىڭ رەسمي مالىمەتىنەن الدە قايدا كوپ دەگەن پىكىرلەر دە كەزدەسەدى.

“The Qazaq Times”