مەملەكەتتىك دۋما كونستيتۋتسياعا تۇزەتۋلەر ەنگىزۋ تۋرالى پرەزيدەنتتىڭ ۇسىنىسىن ءبىرىنشى وقىلىمدا قابىلدادى. وتكەن اپتادا ۆلاديمير پۋتين ساياسي جۇيەنى وزگەرتۋ جانە الەۋمەتتىك كەپىلدىكتەردى بەكىتۋ تۋرالى جوبانى ۇسىنعان بولاتىن.
زاڭ جوباسىن قابىلداۋ ءۇشىن 432 دەپۋتات قولداپ داۋىس بەردى. قارسى بولعاندار دا، قالىس قالعاندار دا بولعان جوق.
15 قاڭتاردا رەسەي پرەزيدەنتى ۆلاديمير پۋتين ۇكىمەت وتستاۆكاسىن قابىلدادى. 20 قاڭتاردا پارلامەنتكە تۇسكەن زاڭ جوباسىندا كونستيتۋتسيانىڭ 22 بابىن وزگەرتۋ تۋرالى ۇسىنىس بار. بۇل وزگەرىستەر بيلىك تارماقتارى اراسىندا وكىلەتتى باسقاشا ءبولۋدى كوزدەيدى: رەسەي كونستيتۋتسياسىنىڭ حالىقارالىق زاڭنامادان جوعارى تۇرعانىن بەكىتۋدى ۇسىنادى. سونىمەن قاتار، پرەزيدەنت نەگىزگى زاڭدا ءوزى قالپىنا كەلتىرگەن مەملەكەتتىك كەڭەستىڭ ستاتۋسى مەن ءرولىن بەكتەدى.
ساراپشىلاردىڭ پىكىرىنشە، كونستيتۋتسياعا وزگەرىستەر ەنگىزىپ، ۇكىمەتتى وتستاۆكاعا كەتىرۋ ارقىلى پۋتين «قازاقستاندىق ستسەناريدى» تاڭداعان. فرانتسيالىق Le Monde باسىلىمى: «باستى دۇنيە – 67 جاستا بولسا دا بيلىكتى باسقارىپ وتىرعان ءپۋتيننىڭ ساياسي جۇيەسى. مەملەكەتتىك كەڭەس، باسقا دا ورگانداردىڭ كۇشەيۋى ءالى كۇنگە دەيىن كۇماندى. بۇل جايت 2019 جىلى پرەزيدەنت قىزمەتىنەن كەتكەن، بىراق ۇلتتىق قاۋىپسىزدىك كەڭەسىنىڭ باسشىسى رەتىندە ساياسي ساحنادا باستى ءرولىن ساقتاپ كەلە جاتقان قازاقستاننىڭ بۇرىنعى باسشىسى ن.نازارباەۆتىڭ جوسپارىن ەسكە سالادى»، – دەپ جازعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى