Ükimet basşısı Asqar Mamin. Foto: aşıq derekköz

Bügin sağat 10:30-da memleket basşısı Qasım-Jomart Toqaevtıñ törağalığımen Ükimettiñ keñeytilgen otırısı bastaldı. «Ötkendi saralap, aldağını josparlau» jiınında prezident Toqaev «ekonomikalıq ösim 4,5%-ğa jetti» dep süyinşiledi.  

Söz alğan ükimet basşısı Asqar Mamin elimizdiñ 2019 jılğı äleumettik-ekonomikalıq damu qorıtındısı jäne biılğı jospar jöninde bayandap baqtı. Ol «öñdeu önerkäsibi 4,4%-ğa, tau-ken önerkäsibi 3,7%-ğa, metall kenin öndiru kölemi 16%-ğa, negizgi kapitalğa investiciya 8,5%-ğa, jeke investiciya 9,5%-ğa, halıqtıñ naqtı tabısı 5,5%-ğa, 2,7 mln adamnıñ jalaqısı östi» dep ağınan jarıldı.

Asqar Maminniñ aytuınşa, äzirge qağazdağı san-esep boyınşa biıl Qazaqstanda 15 mln şarşı metr twrğın üy salınıp, 150 mıñ otbası jaña baspanağa ie bolatın körinedi. Sonday-aq 430 mıñ jaña jwmıs ornı aşılatını habarlandı.

– Mwnda jaña jwmıs orındarı negizinen turizm, sauda men qwrılıs salalarında, sonday-aq, öñdeu önerkäsibi men AÖK salasında da jaña jwmıs orındarı aşıladı, – dedi perm'er-ministr.

Asqar Maminniñ sözinşe:

  • Aldağı 7 jılda 3,5 mıñ auıldağı infraqwrılımdı damıtuğa 900 mlrd teñge jwmsalmaq;
  • «Auıl – el besigi» jobası ayasında 800 joba jüzege asırıladı;
  • 2026 jılğa qaray 1,2 trln teñgelik jeke investiciya tartu arqılı zamanğa say iri 19 jaña medicinalıq ortalıq aşıladı;
  • 2020 jılı 200 jaña mektep aşıladı. Onıñ 100 – jeke mektep;
  • Biıl 44 studenttik jataqhana paydalanuğa beriledi;
  • Biıl 90 mln tonna mwnay men 56,3 mlrd kub gaz öndirilmek;
  • Ükimet ekonomika ösimin 4,7-5 % deñgeyge jetkizbek;
  • 430 mıñ jaña jwmıs ornın qwrılmaq;
  • Şikizattıq emes eksporttı $18,6 mlrd deyin jetkizu;
  • Halıqtıñ naqtı tabısın 6%-ğa arttıru,
  • Mikro-orta biznestiñ ekonomikadağı ülesin 30%-ğa deyin wlğaytu;
  • 15 mln şarşı metr twrğın üy salu;
  • Auıl şaruşalığı önimderin sırttan äkeludi 6%-ğa azaytpaq;
  • Agroönerkäsip salasında 40 mıñ jaña jwmıs ornı aşıladı.

"The Qazaq Times"