Qıtayda 15 medicina qızmetkeri infekciyağa şaldıqqan. Foto: xinlang

Resmi Beyjiñ qauipti virusınıñ adamnan adamğa jwğatının rastadı. Bwğan deyin Uhanda payda bolğan qauipti virustıñ qalay tarap jatqanı anıqtalmay kelgen edi. Qazir Uhan qalasındağı 15 medicina qızmetkeri infekciya jwqtırğanı mälim boldı. Olardıñ bireuiniñ halı auır küyde.

Qıtaydıñ özge de birneşe qala, provinciyalarında virusqa şaldıqqan adamdar sanı 200-ge jetti. Biraq, virus jwqtırğandar sanı resmi mälimetterden älde qayda köp ekeni aytıluda. Uhan da jäne virus tarap jatqan özge qalalarda tötenşe jağday jariyalau turalı Düniejüzilik densaulıq saqtau wyımı wsınıs jasağan. Bwl turalı soñğı şeşim särsenbi küni belgili bolmaq.

Qıtayğa körşiles elder Uhan qalasınan barğan jolauşılardı tekseruden ötkizip jatır. Qıtay jäne Düniejüzilik densaulıq saqtau wyımınıñ zertteu qorıtındısına säykes, infekciya koronavirusqa alıp baruı mümkin delingen.

Ayta keteyik, koronavirusqa är türli virus kiredi, biraq olardıñ altı-jeteui ğana adamğa jwğadı. Resmi derekte, 2002 jılı tarağan koronavirustan Qıtayda 774 adam köz jwmğan.

“The Qazaq Times”