قىتايدا تاراپ جاتقان قاۋىپتى ۆيرۋستىڭ ادامنان ادامعا جۇعاتىنى راستالدى

رەسمي بەيجىڭ قاۋىپتى ۆيرۋسىنىڭ ادامنان ادامعا جۇعاتىنىن راستادى. بۇعان دەيىن ۋحاندا پايدا بولعان قاۋىپتى ۆيرۋستىڭ قالاي تاراپ جاتقانى انىقتالماي كەلگەن ەدى. قازىر ۋحان قالاسىنداعى 15 مەديتسينا قىزمەتكەرى ينفەكتسيا جۇقتىرعانى ءمالىم بولدى. ولاردىڭ بىرەۋىنىڭ حالى اۋىر كۇيدە.

قىتايدىڭ وزگە دە بىرنەشە قالا، پروۆينتسيالارىندا ۆيرۋسقا شالدىققان ادامدار سانى 200-گە جەتتى. بىراق، ۆيرۋس جۇقتىرعاندار سانى رەسمي مالىمەتتەردەن الدە قايدا كوپ ەكەنى ايتىلۋدا. ۋحان دا جانە ۆيرۋس تاراپ جاتقان وزگە قالالاردا توتەنشە جاعداي جاريالاۋ تۋرالى دۇنيەجۇزىلىك دەنساۋلىق ساقتاۋ ۇيىمى ۇسىنىس جاساعان. بۇل تۋرالى سوڭعى شەشىم سارسەنبى كۇنى بەلگىلى بولماق.

قىتايعا كورشىلەس ەلدەر ۋحان قالاسىنان بارعان جولاۋشىلاردى تەكسەرۋدەن وتكىزىپ جاتىر. قىتاي جانە دۇنيەجۇزىلىك دەنساۋلىق ساقتاۋ ۇيىمىنىڭ زەرتتەۋ قورىتىندىسىنا سايكەس، ينفەكتسيا كوروناۆيرۋسقا الىپ بارۋى مۇمكىن دەلىنگەن.

ايتا كەتەيىك، كوروناۆيرۋسقا ءار ءتۇرلى ۆيرۋس كىرەدى، بىراق ولاردىڭ التى-جەتەۋى عانا ادامعا جۇعادى. رەسمي دەرەكتە، 2002 جىلى تاراعان كوروناۆيرۋستان قىتايدا 774 ادام كوز جۇمعان.

“The Qazaq Times”