Berlinde Liviyadağı jağdaydı twraqtandıru maqsatında halıqaralıq konferenciya ötti. Deutche Welle nemis basılımınıñ habarlauınşa, sammit nätijesinde qatısuşı memleket basşıları jaña qwjat wsınğan.

Qwjatta Liviya dağdarısın retteu procesin 6 bağıtta jürgizu qqarastırılğan: atıstı toqtatu, qaru-jaraqqa embargo, sayasi process, qauipsizdik salasın reformalau, ekonomikalıq reforma, gumanitarlıq zañdar men adam qwqığın saqtau. Sonımen qatar, qwjat boyınşa barlıq qatısuşılar Liviyadağı qarulı qaqtığıstarğa aralasudan bas tartuı tiis.

Konferenciyağa BWW Bas hatşısı Antoniu Guterriş, Türkiya prezidenti Tayıp Erdoğan, Franciya basşısı Emmanuel' Makron, Germaniya kancleri Angela Merkel', Wlıbritaniya prem'er-ministri Boris Djonson, AQŞ Memlekettik hatşısı Maykl Pompeo, Resey prezidenti Vladimir Putin jäne Aljir, Egipet, BAÄ, Qıtay ökilderi qatıstı. Liviya wlttıq kelisim ükimetiniñ basşısı Faiz Sarraj jäne Liviya wlttıq armiyasınıñ (LNA) qolbasşısı, dala marşalı Halifa Haftar da Berlinge keldi. Olar negizgi talqılaularğa qatıspaydı. Eger joğarıda atalğan qwjat talaptarımen barlıq taraptar kelisetin bolsa, jiın soñında Liviya ökilderine söz beriledi.

17 qañtarda Türkiya prezidenti Liviyağa äsker attandıratının aytqan bolatın. Erdoğan Türkiyanıñ oñtüstiginde twraqtılıqtı saqtau üşin sayasi jäne äskeri küştiñ barlıq türin paydalanatının aytıp, toğız ay boyına wrıs qimıldarı jalğasıp kele jatqan Liviya mäselesine aralasuın toqtatpaytının mmälimdegen.

12 qañtarda Liviyada Resey men Türkiya prezidentteri wsınğan bastamanıñ şeñberinde Tripolidegi Wlttıq kelisim jäne fel'dmarşal Halifa Haftar basqaratın Liviya wlttıq armiyası arasındağı kofliktti toqtatu rejimi küşine endi. 13 qañtarda Mäskeude eki el ökilderi resmi kezdesu ötkizip, Liviyada beybit jağday rejimin ornatu turalı kelisimge qol qoydı. Biraq, fel'dmarşal Halifa Haftar eşqanday kelisimge qol qoymastan Mäskeuden ketip qalğan.

14 qañtarğa qarağan tüni Haftar Tripolidiñ oñtüstiginde qaqtığıstardıñ qayta jandanatıt turalı mälimdeme jasadı. Sol sebepti Türkiya men Reseydiñ Liviyadağı jağdaydı twraqtandıruğa bağıttalğan qadamı sätsiz ayaqtalğan. Key sarapşılar Berlin sammiti de Liviyadağı dağdarıstı şeşude oñtaylı nätije körsete almauı mümkin deydi. Sebebi halıqaralıq jağdaydı retteuge bağıttalğan jiındardıñ köpşiligi tek qağaz jüzinde ötkizilip keledi.

"The Qazaq Times"