بەرليندە ليۆياداعى جاعدايدى تۇراقتاندىرۋ ماقساتىندا حالىقارالىق كونفەرەنتسيا ءوتتى. Deutche Welle نەمىس باسىلىمىنىڭ حابارلاۋىنشا، سامميت ناتيجەسىندە قاتىسۋشى مەملەكەت باسشىلارى جاڭا قۇجات ۇسىنعان.

قۇجاتتا ليۆيا داعدارىسىن رەتتەۋ پروتسەسىن 6 باعىتتا جۇرگىزۋ ققاراستىرىلعان: اتىستى توقتاتۋ، قارۋ-جاراققا ەمبارگو، ساياسي پروتسەسس، قاۋىپسىزدىك سالاسىن رەفورمالاۋ، ەكونوميكالىق رەفورما، گۋمانيتارلىق زاڭدار مەن ادام قۇقىعىن ساقتاۋ. سونىمەن قاتار، قۇجات بويىنشا بارلىق قاتىسۋشىلار ليۆياداعى قارۋلى قاقتىعىستارعا ارالاسۋدان باس تارتۋى ءتيىس.

كونفەرەنتسياعا بۇۇ باس حاتشىسى انتونيۋ گۋتەرريش، تۇركيا پرەزيدەنتى تايىپ ەردوعان، فرانتسيا باسشىسى ەممانۋەل ماكرون، گەرمانيا كانتسلەرى انگەلا مەركەل، ۇلىبريتانيا پرەمەر-ءمينيسترى بوريس دجونسون، اقش مەملەكەتتىك حاتشىسى مايكل پومپەو، رەسەي پرەزيدەنتى ۆلاديمير پۋتين جانە الجير، ەگيپەت، ءباا، قىتاي وكىلدەرى قاتىستى. ليۆيا ۇلتتىق كەلىسىم ۇكىمەتىنىڭ باسشىسى فايز سارراج جانە ليۆيا ۇلتتىق ارمياسىنىڭ (LNA) قولباسشىسى، دالا مارشالى حاليفا حافتار دا بەرلينگە كەلدى. ولار نەگىزگى تالقىلاۋلارعا قاتىسپايدى. ەگەر جوعارىدا اتالعان قۇجات تالاپتارىمەن بارلىق تاراپتار كەلىسەتىن بولسا، جيىن سوڭىندا ليۆيا وكىلدەرىنە ءسوز بەرىلەدى.

17 قاڭتاردا تۇركيا پرەزيدەنتى ليۆياعا اسكەر اتتاندىراتىنىن ايتقان بولاتىن. ەردوعان تۇركيانىڭ وڭتۇستىگىندە تۇراقتىلىقتى ساقتاۋ ءۇشىن ساياسي جانە اسكەري كۇشتىڭ بارلىق ءتۇرىن پايدالاناتىنىن ايتىپ، توعىز اي بويىنا ۇرىس قيمىلدارى جالعاسىپ كەلە جاتقان ليۆيا ماسەلەسىنە ارالاسۋىن توقتاتپايتىنىن ممالىمدەگەن.

12 قاڭتاردا ليۆيادا رەسەي مەن تۇركيا پرەزيدەنتتەرى ۇسىنعان باستامانىڭ شەڭبەرىندە تريپوليدەگى ۇلتتىق كەلىسىم جانە فەلدمارشال حاليفا حافتار باسقاراتىن ليۆيا ۇلتتىق ارمياسى اراسىنداعى كوفليكتتى توقتاتۋ رەجيمى كۇشىنە ەندى. 13 قاڭتاردا ماسكەۋدە ەكى ەل وكىلدەرى رەسمي كەزدەسۋ وتكىزىپ، ليۆيادا بەيبىت جاعداي رەجيمىن ورناتۋ تۋرالى كەلىسىمگە قول قويدى. بىراق، فەلدمارشال حاليفا حافتار ەشقانداي كەلىسىمگە قول قويماستان ماسكەۋدەن كەتىپ قالعان.

14 قاڭتارعا قاراعان ءتۇنى حافتار ءتريپوليدىڭ وڭتۇستىگىندە قاقتىعىستاردىڭ قايتا جانداناتىت تۋرالى مالىمدەمە جاسادى. سول سەبەپتى تۇركيا مەن رەسەيدىڭ ليۆياداعى جاعدايدى تۇراقتاندىرۋعا باعىتتالعان قادامى ءساتسىز اياقتالعان. كەي ساراپشىلار بەرلين ءسامميتى دە ليۆياداعى داعدارىستى شەشۋدە وڭتايلى ناتيجە كورسەتە الماۋى مۇمكىن دەيدى. سەبەبى حالىقارالىق جاعدايدى رەتتەۋگە باعىتتالعان جيىنداردىڭ كوپشىلىگى تەك قاعاز جۇزىندە وتكىزىلىپ كەلەدى.

"The Qazaq Times"