Aqordada Toqaevtıñ qatısuımen Prezidenttik jastar kadr rezervi kezdesu jiını ötti. 15 qañtar 2019 jıl. Elorda. Foto: Aqorda

Bügin Aqordanıñ keñ sarayında Toqaev bastağan köp nöker birlesip Prezidenttik jastar kadr rezervin sän-saltanatpen qabıldadı.

Jartı jılda 13 mıñ ümitkerdiñ arasınan iriktelip alınğan 300 jastıñ maqsatı maqsatında «memlekettik apparattı jetildiru jäne basşılardıñ jaña buınına jol aşu» deydi memleket basşısı.

Prezident jiın barsında «Üş jüz spartandıq» pen el jastarına qarata arnayı ündeu joldadı. Ol «Qazaqstandı jaña belesterge köteruge mümkindik alğan talanttı» jastarğa «bizdiñ maqsat lauazımdı qızmetke tağayındau ğana dep oylamañızdar» dep eskertti.

El basşısınıñ sözinşe, qazirdiñ özinde rezervke ötken 55 azamat jaña qızmetke tağayındalğan. Sonday-aq biıl jüz şaqtısı «ortalıq memlekettik organdar men wlttıq kompaniyalarğa jauaptı qızmetke» jiberiledi.

Qasım-Jomart Toqaev «Aqorda» rezidenciyasında Prezidenttik jastar kadr rezerviniñ müşelerimen kezdesu ötkizdi. Foto: Aqorda

Jüzden jüyrik şıqtı degen jastarğa «eñ aldımen, memleketimizdi odan äri örkendetip, täuelsizdigimizdi nığaytu jäne eldiñ äl-auqatın arttırıp, twrmıs sapasın jaqsartuımız qajet» dedi prezident.

Osı twsta sarapşılar tarapınan sınğa köp wşırağan «Halıq ünine qwlaq asatın memleket» twjırımdamasınıñ negizgi 3 principi ataldı. Olar: aşıqtıq-jariyalılıq, inklyuzivtilik, azamattardıñ swrauına der kezinde jauap beru.

Ündeudiñ eñ qızıq twsı eks-prezidenttiñ esimin atamay ötpeytin Toqaev bwl jolı Nazarbaevtıñ atın bir märte, soğan qosa qazaq tarihında eñ alğaş reti demokratiyalıq jolmen saylanğan basşı Älihan Bökeyhannıñ atın atap, odan däyeksöz keltirdi. Bwl turalı Qasım-Jomart Toqaev:

– Kezinde Alaş ardaqtısı Älihan Bökeyhan: «Wltqa qızmet etu bilimnen emes, minezden» dep aytqan. Bwl – eşqaşan özektiligin joğaltpaytın, uaqıt ötken sayın män-mañızı arta tüsetin qanattı söz, – dedi.

Toqaev «memleketti basqaru jüyesin jañğırtu maqsatında auqımdı reformalar jüzege asırılıp jatır» dep sanaydı.  «Qaytalap aytamın, memlekettik qızmetker – halıq arasında el üşin qızmet etetin halıqtıñ bir böligi» degen ol  «är zamanda kez kelgen halıqtıñ bilimdi jäne bilikti azamattarınıñ ortaq müddege toptasatın kezeñi bolatının» äri sol kün bügin ekenin jetkizdi.

Söziniñ soñına qaray Toqaev aldağı kezeñde käsipker, ğalım, mädeniet qayratkeri, jasampaz innovator äri HHİ ğasırdıñ tabıstı memleketin qwruğa dayın basqa da darındı jastardıñ jaña tolqının belsendi türde qoldaytının mälimdedi.

«Abaydıñ ösieti – öskeleñ wrpaqtıñ aynımas temirqazığı. Biz eldi, wlttı Abayşa süyudi üyrenuimiz kerek. Wlı aqın wltınıñ kemşiligin qattı sınasa da, tek bir ğana oydı – qazağın, halqın törge jeteleudi maqsat twttı. Ärdayım wlttıq qwndılıqtardı közdiñ qaraşığınday saqtap, däripteu» jastarğa jüktelgen märtebeli missiya», – dedi prezident.

Toqaev jasağan bayandama-mälimdeme mätininde memlekettik til ülesi tım kem. Foto: Aqorda

Aqorda jariyalağan 6 bet kölemindegi prezident ündeuinde 2564 söz bar. Onıñ 1736-sı – orısşa, 828-i ğana qazaq tilinde. YAğni memleket basşısınıñ spiçrayteri mätinniñ 67,7%-ın orıs tilinde dayındağan.

Bwl birinşi ret emes. Toqaev prezident bolıp kelgeli beri qoğamğa arnalğan bayandama-mälimdemedegi qazaq tiliniñ ülesi bir bas kötergen joq. Ötken aydağı Wlttıq senim keñesiniñ ekinşi otırısında oqılğan bayandamanıñ (3851 söz) da tek 1288 sözi (33,4%) ğana qazaq tilinde boldı.

Bwğan deyin qırküyektiñ 2-si Toqaev «Qazaqstan halqına joldauınıñ» tek 25%-ı ğana memlekettik tilde jazılğan edi. Ondağı 5960 sözdiñ 1497-si qazaq tilinde, al 4463 sözi orıs tilinde. 75%-ı orıs tilinde jasalğan joldau Qazaqstan halqına arnaldı.

Sonday-aq 16 tamızdağı dästürli Tamız keñesinde aytılğan «tosın bayandamanıñ»  29,4%-ı ğana memlekettik tilde boldı. Toqaevtıñ Täuelsizdik sarayında oqığan kölemdi mälimdemesindegi 2414 sözdiñ 711-i ğana qazaq tilinde. 3/1-ine de jetpeytin böligi ğana memlekettik tilde jariyalandı.

“The Qazaq Times”