Foto: VVS

8 qañtarda Tehrannan Kievke bağıt alğan wşaq apatınıñ tehnikalıq aqaudan bolğanı habarlandı. Biraq AQŞ pen Iran arasındağı qaqtığıs kezinde orın alğan iri apat jöninde basqa da boljamdar bar.

Jolauşılar wşaqtarınıñ qozğalısın baqılaytın Flightradar24 saytı «Boeing» Tehrannan jergilikti uaqıt boyınşa 2:42-ge wşıp köterilgenin jäne ol turalı soñğı aqparat eki minut ötken soñ 2:44-de alınğanın habarladı. Qazirgi uaqıtta apat sebebi jöninde tört boljam bar: zımıranmen atıp tüsiru, bort işindegi terakt, wşaq motorınıñ januı nemese wşqışsız wşaqpen soqtığısu.

Amerika, Kanada jäne Ukraina laynerge Iran zımıranı abaysızda tigen boluı mümkin deydi. AQŞ prezidenti Donal'd Tramp wşa apatı tehnikalıq aqaudan boldı degenge küdikpen qaraydı. Tramp: «Meniñ öz boljamım bar. Bwl ornı tolmas ülken qayğı. Wşaq qauipti aymaqta ketip bara jatqan. Keybireuler apatqa tehnikalıq aqau sebep deydi. Biraq men bwl pikirmen kelispeymin. Barlığına köz jetkizu üşin Iran tarapı Boeing-tiñ qara jäşikterin oqudı özge elderge beru kerek. Mısalı, franciyalıq nemese kanadalıq mamandardıñ kömegine süyenu kerek», – deydi. Alayda qara jäşik bülingen.

Foto: VVS

Ukrainanıñ wlttıq qauipsizdik jäne qorğanıs keñesi wşaqqa Reseyde jasalğan «Tor» zenittik-raketkalıq kompleksinen jiberilgen zımıran tiyui mümkin deydi. Tehranğa barğan ukrainalıq mamandar Iran biligimen apat orın alğan jerge barıp, zertteu jürgizbek.

Apattıñ sebep-saldarına Kanada biligi de küdik keltirip otır. Prem'er-ministr Djastin Tryudo: «Qolda bar mälimetterge qarağanda, onıñ işinde bizdiñ odaqtas eldiñ barlau qızmetteriniñ aqparları da bar, wşaq Irannıñ zımıranımen atıp tüsirilgen. Ayğaqtar jer aua sanatına jatatın zımaran qoldanılğanın körsetedi», – degen mälimdeme jasadı. Kanada «oqiğanıñ anıq-qanığına köz jetkizbeyinşe tınıştalmaymız» dep otır.

Al Irannıñ azamattıq aviaciya wyımı bwl boljamdı «negizsiz» dep joqqa şığaruda. Tehrannıñ mälimdeuinşe, äue köligi kökte tehnikalıq aqaudan janıp barıp jerge qwlağan. Iran tarabınıñ habarlauınşa, wşaq motorı janıp, pilottar wşaqqa ie bola almay qalğan. Jergilikti BAQ «wşaq radardan joğalıp ketkende 2500 metr biiktikte bolğan. Pilottar eşqanday tötenşe jağday jaylı habarlamağan, biraq qayta äuejayğa oraluğa tırısqan» dep jazdı.

Tehrandağı Imam Homeni halıqaralıq äuejayı mañında apatqa wşırağan Boeing 737 bortındağı 176 jolauşınıñ bäri köz jwmdı. Resmi mälimetter boyınşa, bortta 82 irandıq, 63 kanadalıq, 10 şved, 4 auğan, 3 britandıq jäne Germaniyanıñ 3 azamatı bolğan. Ukraina SİM ökilderi 11 ukraindıqtıñ arasında ekipajdıñ toğız müşesi bar dep habarladı. Wşaq «Ukraina halıqaralıq äue joldarı» äuekompaniyasına tiesili.

Iran biligi qara jäşikti beruden bas tartıp otır. Halıqaralıq erejeler boyınşa Iran öz betinşe tergeu jürgizuge qwqılı. Biraq apat jöninde ekiwdayı boljamdar bolğandıqtan, bwl isti şeteldik mamandar da zertteydi. Ädette mwnday jağdayda qwlağan wşaqtı dayındauşı kompaniya da jauapqa tartıladı.

"The Qazaq Times"