«Bek Air» كۇنى بۇگىنگە دەيىن حالىقارالىق اۋديتتەن وتۋدەن بىرنەشە مارتە باس تارتقان. وتكەن اپتادا ورىن العان اپاتتان كەيىن قر يندۋستريا جانە ينفراقۇرىلىمدىق دامۋ مينيسترلىگى قازاقستان ازاماتتارىنا «Bek Air» كومپانياسىنىڭ ۇشاقتارىنا بيلەت الماۋعا كەڭەس بەردى.
مينيسترلىكتىڭ Telegram پاراقشاسىنداعى حابارلاماسىندا: «Bek Air» اۋە كومپانياسىنىڭ ەكسپلۋاتانت سەرتيفيكاتىنىڭ بەلگىسىز مەرزىمگە توقتاتىلۋىنا بايلانىستى ازاماتتارعا اتالعان اۋە كومپانياسىنىڭ رەيستەرىنە بيلەتتەر ساتىپ الماۋعا كەڭەس بەرىلەدى»، – دەلىنگەن.
27 جەلتوقسان ساعات 7:22-دە Bek Air ۇشاعى الماتى اۋەجايىنان ءبىر شاقىرىم قاشىقتىقتا تالعار اۋدانىنا قاراستى گۇلدالا اۋىلىنداعى يەسىز ەكى قاباتتى ۇيگە قۇلاپ، سالدارىنان 15 جولاۋشى قازا تاپقان. وقيعادان كەيىن پرەزيدەنت قاسىم-جومارت توقاەۆ اقوردادا الماتى ماڭىنداعى ۇشاق اپاتىنا بايلانىستى شۇعىل كەڭەيتىلگەن كەڭەس وتكىزىپ، ۇشاق اپاتىنىڭ سەبەپتەرىن ەگجەي-تەگجەيلى انىقتاۋ جونىندە جانە قازا تاپقانداردىڭ ارقايسىسىنا 4 ميلليون تەڭگەدەن قولداۋ تولەمى بەرىلەتىنى تۋرالى تاپسىرمالار بەردى.
ايتا كەتەر جايت، «Bek Air» حالىقارالىق اۋديتتەن وتۋدەن باس تارتقان قازاقستانداعى جالعىز اۋە كومپانياسى بولاتىن. 2016 جىلى حالىقارالىق ۇيىمنىڭ قاۋىپسىزدىككە قاتىستى تەكسەرۋىنەن وتكىسى كەلمەگەن اۋە كومپانياسىنىڭ باسشىلىعىن «اتامەكەن» ۇكپ قولداعانى بەلگىلى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى