Qazaqstan prezidenti Qasım-Jomart Toqaev. Foto: Aqorda

Prezident Qasım-Jomart Toqaev Parsı şığanağındağı ahualğa baylanıstı keñes ötkizdi. bwl turalı Aqordanıñ baspasöz qızmeti habarladı.

Jiınğa prezident äkimşiligi basşılığı, prem'er-ministrdiñ orınbasarı, Qauipsizdik Keñesi hatşısı, Wlttıq qauipsizdik komiteti törağası, Sırtqı ister ministri, Qorğanıs ministri, İşki ister ministri jäne Qarulı Küşter Bas ştabı bastığı qatıstı. Keñeste Sırtqı ister ministri Mwhtar Tileuberdi men basqa da vedomstvo basşıları Tayau Şığıstağı qazirgi ahual turalı bayandadı.

El prezidenti Parsı şığanağı aymağındağı ahualdıñ kürt şielenisuine alañdauşılıq bildirip, atalğan is-qimıldarğa qatısuşı taraptardıñ barınşa wstamdılıq tanıtuı qajettigin aytıp, qaqtığıstardı diplomatiyalıq ädis-täsildermen, eñ aldımen, bwl iske BWW aralastıra otırıp, sonday-aq ekijaqtı baylanıstar men kelissözder arqılı retteu mümkin ekenin atap ötti.

Keñes qorıtındısı boyınşa Qazaqstannıñ Tayau Şığıstağı elşilikteri men ondağı qızmetkerlerdiñ qauipsizdigin qamtamasız etudi, elimizdegi şeteldik diplomatiyalıq ökildikter men kompaniyalar keñseleriniñ qauipsizdigin saqtau üşin şaralar qabıldaudı, memleketimizdiñ wlttıq müddesine qatıstı mañızdı aqparattardı alu jäne taldau jwmıstarın küşeytudi tapsırdı. Halıqaralıq ahualdıñ şielenisui jağdayında Qazaqstannıñ äleumettik-ekonomikalıq damu jäne qorğanıs äleuetin küşeytu mäselelerine erekşe köñil bölinedi.

Eske sala keteyik, Islam revolyuciyası saqşılar korpusınıñ «Qwds küşteri» arnayı jasağınıñ qolbasşısı Süleymani 3 qañtarda Bağdattağı AQŞ-tıñ äue şabuılı kezinde mert bolğan. Onı öltiruge AQŞ prezidenti Donal'd Tramp bwyrıq bergen. «Qwds küşteri» Irannıñ sırttağı äskeri operaciyalarına qatısqan. Bwğan deyin AQŞ-tan «kek alatının» mälimdegen Iran 8 qañtarda AQŞ-tıñ Iraktağı birqatar nısandarınzımıranmen atqıladı. Qazirgi uaqıtta eki el baylanısı uşığıp twr.

"The Qazaq Times"