Foto: https://musorish.ru

Ükimet otırısında Energetika ministri Nwrlan Noğaev elimizde Atom elektr stanciyasın salu mäselesine qatıstı pikirin bildirdi.

Nwrlan Noğaev: «Büginge deyin qanday poziciyada bolsaq, äli sonı wstanıp otırmız. Äzirge qaralıp jatır. Energetika ministrliginiñ poziciyası mınaday boldı: energiyanıñ qosımşa közderi barda biz bwl mäseleni qaraymız. Al qazirgi tañda respublika energiyamen özin-özi qamtıp otır. Tipti elektr energiyanıñ bir böligi eksporttaladı. Jaqında Atırau oblısında erkin ekonomikalıq aumaqta respublikalıq mañızdağı 310 megavattıq Qarabatan gaz-qwbırlı elektr stanciyası paydalanuğa berildi. AES qwrılısın jürgizu mäselesin jabıldı deuge kelmeydi, qanday satıda twrdı – äli sonda», – dep mälimdedi.

Qazaqstan astanası Nwr-Swltanda AES qwrılısın reseylik tehnologiyamen jürgizudi Kreml'degi kezdesui kezinde el prezidenti Qasım-Jomart Toqaevqa Resey prezidenti Vladimir Putin wsınğan bolatın. 3 säuirde ötken jiında Putin Toqaev ekeui «beybit atom salasındağı seriktestik» jaylı talqılağanın aytqan. Onıñ sözinşe, «uran öndiru jäne bayıtu boyınşa Qazaqstan men Reseydiñ birlesken altı önerkäsibi jwmıs isteydi».

Qazaqstanda salınuı ıqtimal atom elektr stanciyasına (AES) arnalğan aumaq retinde Almatı oblısındağı Ülken auılı men Şığıs Qazaqstan oblısındağı Kurçatov qalası tañdalğan. Atalğan mälimdemeden keyin, Qazaqstan azamattarı stanciyadan tönetin orasan zor qauipti aytıp, AES qwrılısınan bas tartudı talap etti.

"The Qazaq Times"