Aymaqtıq basılımnıñ habarlauınşa, osı uaqıtqa deyin Atırau oblısınıñ äkimi qızmetinde bolğan «Nwrlan Noğaev Energetika ministri lauazımına tağayındaluı mümkin».
Atırauda şığatın «Aq Jayıq» aptalıq gazetiniñ elektrondı platformasında jariyalanğan habarda «jaña jıl qarsañında Atırau oblısına elordadan tosın jañalıq keldi – aymaq basşısı Nwrlan Noğaev öz qızmetinen ketip jatır» delingen. Jergilikti aqparat qwralı öziniñ «beyresmi derekközderine» siltey otırıp, «bügin tüsten keyin mwnaylı astanağa jaña äkimdi tanıstıru üşin QR Prem'er-ministri Asqar Mamin keledi dep kütilude» deydi. Tipti «Nwrlan Noğaevqa QR Energetika ministriniñ kreslosı wsınıladı-mıs».
2016 jılı Atırauda jer dauı mitingisinde söz söylegen Maks Boqaevtıñ «mitingini wyımdastırğandar quğındalmasın» degen talabı orındalatınına uäde bergen Nwrlan Noğaev sol jıldıñ 26 naurızında äkim bolıp tağayındalğan bolatın. Bügin energetika ministri Qanat Bozımbaev memleket basşısınıñ jarlığımen ornınan bosatılıp, prezident kömekşisi bolıp tağayındalğanın ayta ketken jön.
Almasbek Sadırbay isi: Qonaev sotında BAQ-qa qoyılğan şekteu küşinde qaldı
Almasbek Sadırbay isi: Aşıq sot pa, älde jabıq baqılau ma?
Iran äskeri elitasınıñ joyıluı: soğıstıñ jaña kezeñi
Hameneiden keyingi Iran: bilik tranziti men soğıs köleñkesindegi el
Irandağı soğıs örti: geosayasi dağdarıstıñ jaña kezeñi
Respublikaşıldar immigraciyalıq operaciyanı sınğa aldı, biraq Tramptı aşıq ayıptaudan tartındı