نوعاەۆ مينيستر قىزمەتىنە تاعايىندالماق – ايماقتىق باسىلىم

ايماقتىق باسىلىمنىڭ حابارلاۋىنشا,  وسى ۋاقىتقا دەيىن اتىراۋ وبلىسىنىڭ اكىمى قىزمەتىندە بولعان «نۇرلان نوعاەۆ ەنەرگەتيكا ءمينيسترى لاۋازىمىنا تاعايىندالۋى مۇمكىن».  

اتىراۋدا شىعاتىن «اق جايىق» اپتالىق گازەتىنىڭ ەلەكتروندى پلاتفورماسىندا جاريالانعان حاباردا «جاڭا جىل قارساڭىندا اتىراۋ وبلىسىنا ەلوردادان توسىن جاڭالىق كەلدى – ايماق باسشىسى نۇرلان نوعاەۆ ءوز قىزمەتىنەن كەتىپ جاتىر» دەلىنگەن. جەرگىلىكتى اقپارات قۇرالى ءوزىنىڭ «بەيرەسمي دەرەككوزدەرىنە» سىلتەي وتىرىپ،  «بۇگىن تۇستەن كەيىن مۇنايلى استاناعا جاڭا اكىمدى تانىستىرۋ ءۇشىن قر پرەمەر-ءمينيسترى اسقار مامين كەلەدى دەپ كۇتىلۋدە» دەيدى. ءتىپتى «نۇرلان نوعاەۆقا قر ەنەرگەتيكا ءمينيسترىنىڭ كرەسلوسى ۇسىنىلادى-مىس».

2016 جىلى اتىراۋدا جەر داۋى ميتينگىسىندە ءسوز سويلەگەن ماكس بوقاەۆتىڭ «ميتينگىنى ۇيىمداستىرعاندار قۋعىندالماسىن» دەگەن تالابى ورىندالاتىنىنا ۋادە بەرگەن نۇرلان نوعاەۆ سول جىلدىڭ 26 ناۋرىزىندا اكىم بولىپ تاعايىندالعان بولاتىن. بۇگىن ەنەرگەتيكا ءمينيسترى قانات بوزىمباەۆ مەملەكەت باسشىسىنىڭ جارلىعىمەن ورنىنان بوساتىلىپ،  پرەزيدەنت كومەكشىسى بولىپ تاعايىندالعانىن ايتا كەتكەن ءجون.

"The Qazaq Times"