Körneki suret. Foto: neonomad.kz

Almatı qalası prokuraturasınıñ habarauınşa, vedomstvo talabımen «Olimp» sauda belgisimen qızmetin jüzege asıratın «Olimp.kz» bukmekerlik keñsesi» JŞS jäne «Alpha-bet» JŞS-ğa tağayındalğan salıqtıq tekseristiñ nätijesinde tölenbegen soma kölemi anıqtaldı.

Almatı qalasınıñ memlekettik kirister basqarması 5 ay boyı jürgizgen tekseris qorıtındısı boyınşa, soñğı 5 jılda oyın biznesi salığın dwrıs tölemeu mäselesi anıqtaldı. Tiisinşe «Olimp.kz» JŞS – 62 milliard teñge, al «Alpha-bet» JŞS – 83 milliard teñge töleu mindetteldi.Bwğan deyin Wlttıq qauipsizdik komiteti prokuraturamen birlese otırıp, aqşa qarajatın Qazaqstannan tıs jerlerge zañsız şığaru arnaların anıqtap, bwğattağan.
Qalalıq prokuraturanıñ habarlamasında «zañsız oyın biznesin wyımdastıru faktisi boyınşa «Olimp» bukmekerlik keñsesine qatıstı sotqa deyingi tergep-tekseru bastaldı» delingen. Sonday-aq Almatı qalasınıñ mamandandırılğan audanaralıq äkimşilik sotı «Onlybet» JŞS jäne «Alpha-bet» JŞS licenziyasın toqtata twru turalı şeşim şığarğan.

"The Qazaq Times"