كورنەكى سۋرەت. فوتو: neonomad.kz

الماتى قالاسى پروكۋراتۋراسىنىڭ حاباراۋىنشا, ۆەدومستۆو تالابىمەن «وليمپ» ساۋدا بەلگىسىمەن قىزمەتىن جۇزەگە اسىراتىن «وليمپ.kz» بۋكمەكەرلىك كەڭسەسى» جشس جانە «Alpha-bet» جشس-عا تاعايىندالعان سالىقتىق تەكسەرىستىڭ ناتيجەسىندە تولەنبەگەن سوما كولەمى انىقتالدى.

الماتى قالاسىنىڭ مەملەكەتتىك كىرىستەر باسقارماسى 5 اي بويى جۇرگىزگەن تەكسەرىس قورىتىندىسى بويىنشا، سوڭعى 5 جىلدا ويىن بيزنەسى سالىعىن دۇرىس تولەمەۋ ماسەلەسى انىقتالدى. تيىسىنشە «وليمپ.kz» جشس – 62 ميلليارد تەڭگە، ال «Alpha-bet» جشس – 83 ميلليارد تەڭگە تولەۋ مىندەتتەلدى.بۇعان دەيىن ۇلتتىق قاۋىپسىزدىك كوميتەتى پروكۋراتۋرامەن بىرلەسە وتىرىپ، اقشا قاراجاتىن قازاقستاننان تىس جەرلەرگە زاڭسىز شىعارۋ ارنالارىن انىقتاپ، بۇعاتتاعان.
قالالىق پروكۋراتۋرانىڭ حابارلاماسىندا «زاڭسىز ويىن بيزنەسىن ۇيىمداستىرۋ فاكتىسى بويىنشا «وليمپ» بۋكمەكەرلىك كەڭسەسىنە قاتىستى سوتقا دەيىنگى تەرگەپ-تەكسەرۋ باستالدى» دەلىنگەن. سونداي-اق الماتى قالاسىنىڭ مامانداندىرىلعان اۋدانارالىق اكىمشىلىك سوتى «Onlybet» جشس جانە «Alpha-bet» جشس ليتسەنزياسىن توقتاتا تۇرۋ تۋرالى شەشىم شىعارعان.

"The Qazaq Times"