Swltan Sartaev. Foto: https://i.ytimg.com

Akademik Swltan Sartaev qaytıs boldı. Bwl turalı äl-Farabi atındağı QazWU-dıñ baspasöz qızmeti habarladı.

Akademik bügin, 13 jeltoqsanda ömirden ozdı.

Swltan Sartaywlı Sartaev – keñes jäne qazaqstandıq ğalım, zañ ğılımdarınıñ doktorı, professor, Qazaqstan Wlttıq ğılım akademiyasınıñ akademigi, Qazaqstan Respublikasınıñ eñbek siñirgen ğılım qayratkeri, Qwqıqtanu jäne halıqaralıq qatınastar institutınıñ rektorı, Qazaqstan zañgerler qauımdastığınıñ vice-prezidenti. Ol elimizdegi Konstituciyanıñ negizin qalauşılardıñ biri. Sartaev 1995 jılı elimizdiñ Ata Zañın dayındauğa belsendi aralasqan. Onıñ bastauımen Konstituciyağa Qazaqstannıñ jer jäne jer qoynauı, wlttıq nışandarına baylanıstı köptegen mañızdı özgeris engizildi.

Swltan Sartaev 1927 jılı 15 qazanda düniege kelgen. 1962 jılı Swltan Sartaywlı auıldarda qazaq mektebin bitirgender üşin zañ fakul'tetinde qazaq bölimin aşu üşin barlıq küş-jigerin jwmsağan. Ol balalar üyinde tärbielenip jatqan studentterdi jataqhanamen qamtamasız etu jäne şäkirtaqı aluğa, qazaq tilindegi qabırğa gazetin şığaruğa kömektesti.

"The Qazaq Times"