QR SİM basşısı men AQŞ mem. hatşısı kezdesti. Foto: QR SİM

AQŞ Qazaqstandı öñirlik qauipsizdikti qoldaudağı bastı seriktes dep qaraydı. Bwnday pikirdi mälimdemeni AQŞ memlekettik hatşısı Mayk Pompeo eline saparlay barğan QR SİM basşısı Mwhtar Tileuberdimen kezdesude ortağa saldı. Sırtqı ister ministri M. Tileuberdi äriptesi Pompeonıñ şaqıruımen AQŞ-tağı eki kündik resmi saparın bügin ayaqtaydı.

Sırtqı ister ministrlerdiñ kezdesui kezinde Qazaqstan-AQŞ qarım-qatınasın nığaytu mäseleleri qarastırdı. QR SİM basşısı Pompeomen kezdesude Qazaqstan ükimeti damıp kele jatqan eki el qatınasın tiptide keñeyte tüsuge basa män berip otırğanın ayttı. Öz kezeginde Polmpeo «Qazaqstan Ortalıq Aziyadağı köşbasşı memleket. Biz sizderdi öñirlik qauipsizdikti qoldaudağı bastı seriktesimiz sanaymız», – dedi.

Ministr M. Tileuberdi sonday-aq, Wlttıq qauipsizdik keñesiniñ basşılığımen jäne Qazaqstannıñ «dostar tobındağı» AQŞ kongressmenderimen kelissözder jürgizgen.

Ministri Mwhtar Tileuberdiniñ kezekti resmi saparında ekonomikalıq diplomatiyağa basımdıq berilgeni aytıladı. Osığan oray ol Düniejüzilik banktiñ Vaşingtondağı ştab-päterine barğan jäne Europa jäne Ortalıq Aziya boyınşa Vice-prezidenti Siril Myullermen kezdesken. Kezdesude Qazaqstan men Bank tobınıñ qarjı instituttarı arasındağı mäseleler talqılanğan. Taraptar 2020-2024 jıldarğa auıl şaruaşılığın damıtu salasındağı birlesken jobanı talqılağan.

Kezdesuge oray QR SİM tarabı taratqan habar arasında Qazaqstan men Qwrama Ştattar arasındağı ekonomikalıq baylanıstarğa qatıstı birqatar mälimetter bar. Aytalıq, 2019 jılğı qañtar-qazan aralığında eki el arasındağı tauar aynalımı 1,8 mlrd. Dollarğa jetken. Alayda, Qazaqstan men AQŞ arasındağı sauda qatınası sauda teñsizdiginde twrğanı belgili. YAğni, Qazaqstannan AQŞ-qa eksportı 682 mln. dollar bolsa, AQŞ-tan Qazaqstanğa import kölemi 1,1 mlrd dollar köleminde.

“The Qazaq Times”