قر ءسىم باسشىسى مەن اقش مەم. حاتشىسى كەزدەستى. فوتو: قر ءسىم

اقش قازاقستاندى وڭىرلىك قاۋىپسىزدىكتى قولداۋداعى باستى سەرىكتەس دەپ قارايدى. بۇنداي پىكىردى مالىمدەمەنى اقش مەملەكەتتىك حاتشىسى مايك پومپەو ەلىنە ساپارلاي بارعان قر ءسىم باسشىسى مۇحتار تىلەۋبەردىمەن كەزدەسۋدە ورتاعا سالدى. سىرتقى ىستەر ءمينيسترى م. تىلەۋبەردى ارىپتەسى پومپەونىڭ شاقىرۋىمەن اقش-تاعى ەكى كۇندىك رەسمي ساپارىن بۇگىن اياقتايدى.

سىرتقى ىستەر مينيسترلەردىڭ كەزدەسۋى كەزىندە قازاقستان-اقش قارىم-قاتىناسىن نىعايتۋ ماسەلەلەرى قاراستىردى. قر ءسىم باسشىسى پومپەومەن كەزدەسۋدە قازاقستان ۇكىمەتى دامىپ كەلە جاتقان ەكى ەل قاتىناسىن تىپتىدە كەڭەيتە تۇسۋگە باسا ءمان بەرىپ وتىرعانىن ايتتى. ءوز كەزەگىندە پولمپەو «قازاقستان ورتالىق ازياداعى كوشباسشى مەملەكەت. ءبىز سىزدەردى وڭىرلىك قاۋىپسىزدىكتى قولداۋداعى باستى سەرىكتەسىمىز سانايمىز»، – دەدى.

مينيستر م. تىلەۋبەردى سونداي-اق، ۇلتتىق قاۋىپسىزدىك كەڭەسىنىڭ باسشىلىعىمەن جانە قازاقستاننىڭ «دوستار توبىنداعى» اقش كونگرەسسمەندەرىمەن كەلىسسوزدەر جۇرگىزگەن.

ءمينيسترى مۇحتار تىلەۋبەردىنىڭ كەزەكتى رەسمي ساپارىندا ەكونوميكالىق ديپلوماتياعا باسىمدىق بەرىلگەنى ايتىلادى. وسىعان وراي ول دۇنيەجۇزىلىك بانكتىڭ ۆاشينگتونداعى شتاب-پاتەرىنە بارعان جانە ەۋروپا جانە ورتالىق ازيا بويىنشا ۆيتسە-پرەزيدەنتى سيريل ميۋللەرمەن كەزدەسكەن. كەزدەسۋدە قازاقستان مەن بانك توبىنىڭ قارجى ينستيتۋتتارى اراسىنداعى ماسەلەلەر تالقىلانعان. تاراپتار 2020-2024 جىلدارعا اۋىل شارۋاشىلىعىن دامىتۋ سالاسىنداعى بىرلەسكەن جوبانى تالقىلاعان.

كەزدەسۋگە وراي قر ءسىم تارابى تاراتقان حابار اراسىندا قازاقستان مەن قۇراما شتاتتار اراسىنداعى ەكونوميكالىق بايلانىستارعا قاتىستى بىرقاتار مالىمەتتەر بار. ايتالىق، 2019 جىلعى قاڭتار-قازان ارالىعىندا ەكى ەل اراسىنداعى تاۋار اينالىمى 1,8 ملرد. دوللارعا جەتكەن. الايدا، قازاقستان مەن اقش اراسىنداعى ساۋدا قاتىناسى ساۋدا تەڭسىزدىگىندە تۇرعانى بەلگىلى. ياعني، قازاقستاننان اقش-قا ەكسپورتى 682 ملن. دوللار بولسا، اقش-تان قازاقستانعا يمپورت كولەمى 1,1 ملرد دوللار كولەمىندە.

“The Qazaq Times”