"Jusan" evakuaciyalau operaciyası barısınan. Foto: aşıq derekköz

Biıl elimizde terrorizm men dini ekstremizmge qatıstı 140 adam sottalğan.

2019 jılı Qazaqstanda 907 adam deradikaldanu kursınan ötti. Jıl qorıtındısına arnalğan baspasöz mäslihatıntağı antiterrorlıq ortalığı ştab bastığınıñ birinşi orınbasarı Sergey Şveykinniñ sözinşe, bwl körsetkiş sottalğandardan 6,5 ese köp.

Ol qılmıstıq is radikaldı seniminen qaytpaytın, zañ bwzuı mümkin degen küdiktilerge ğana jürgizilgen deydi. Resmi uäkildiñ aytuınşa, türmede otırğan 162 sottaluşı radikaldı bağıttan bas tartqan körinedi.

Qazirgi tañda terroristik äreketterge qatısı joq äyelder men balalarğa arnalğan beyimdeu-tüsindiru jwmıstarı jalğasıp jatır. Ol radikaldı tüsinikten arıltu oñay emes ekenin, respondenttermen käsibi psiholog-teologtar aynalısıp jatqanın aytadı.

«Jasalğan amaldardıñ nätijesinde, bügingi tañda 22 äyel zayırlı ömir saltın qayta qabıldağan, 33-i dästürli islam normaların wstanuğa köşti, al qalğanına tüsindirme jwmıstarı jalğasıp jatır», – deydi Sergey Şveykin.

Biıl terroristik ayıbı üşin izdeude jürgen 31 şeteldik wstalıp, öz elderine qaytarıldı.

Şeteldegi soğıs oşaqtarında äzirge 40-qa juıq qazaqstandıq, olardıñ 65-ke tarta äyel-bala-şağası terroristik wyımdardıñ qwramında jür desedi. Terrorizmage qarsı qızmet uäkiliniñ sözine sensek, tiisti organdar Almatı men Qarağandı oblıstarında terakti jasauğa dayındıq kezeñindegi 3 jağdaydı anıqtap, aldın alğan. Lañkestik jasauğa oqtalğan küdiktiler qwqıq qorğau organdarına şabuıldamaq bolğan.

Terrorlıq aktilerdiñ josparın äzirleuge qatısqandar 6 jıldan 18 jılğa deyin bas bostandığınan ayırılıptı. Bwdan bölek, elimizdiñ ärtürli aymaqtarında jeti radikaldı toptıñ jäne 34 qılmıskerdiñ jolı kesilgen. Terrorizm men dini ekstremizmge baylanıstı qılmıstarı üşin barlığı 140 adam sottalğan. Küni keşe astana sotı Siriyada «terrorlıq top qwramında qatıstı» dep ayıptalğan 14 adamğa ükim şığarıp, olardı 8 jıldan 14 jılğa deyingi aralıqta türme jazasına kesti.

Internet veb-resurstarında 14,5 mıñnan astam terroristik mändegi kontent siltemeleri anıqtalıp, olardı joyu jalğasıp jatqan körinedi.

Osılayşa 2018-2022 j.j. arnalğan «Dini ekstremizm men terrorizmge qarsı is-qimıl jönindegi» memlekettik bağdarlaması oydağıday jüzege asırudamız degen vedomstvo ökilderiniñ sözine kümänmen qaraytın azamattar da tabıladı.

Ötken ayda ğana Şveykin Dintanuşılrdıñ Hİ forumında Qazaqstandağı destruktivti ağımdı wstanuşılardıñ sanı 20 mıñnan asatının mälimdegen edi. Al bıltır şildede Qazaqstannıñ Wlttıq qauipsizdik komiteti Siriya men Irakta soğıs bastalğalı Tayau Şığısqa 800-ge tarta qazaqstandıq ketkenin habarlağan.

"The Qazaq Times"