Tayau Şığıstağı soğıs aumaqtarınan öz azamattarın elge qaytarğan Qazaqstannıñ äreketine Europarlament qoldau bildirdi.

Halıqaralıq eñbek wyımınıñ qızmetkeri Saymon Hillz: «Qazaqstan ökimetiniñ Süriyadağı şielenis aymağında qalğan öz azamattarına qoldau körsetip otırğanın jäne olardıñ tuıstarın otanına qaytaru joldarın izdep jatqanın bilemiz. Öz azamattarınıñ tağdırına jauapkerşilikpen qarağan Qazaqstanıñ bwl täjiribesi biz üşin öte qızıq», — deydi.

Ökildiñ aytuınşa, Europalıq Odaqqa müşe elderdiñ deni Süriyağa ketken azamattarın qaytaruğa qwlıqtı emes. Al qazaqstandıq täjiribe europalıq sayasatkerler men sarapşılardıñ qızu talqısına tüsip, ülken qızığuşılıq tudırğan.

Eske sala keteyik, Jusan operaciyası arqılı Süriyadan 595 adam, al Rusafa operaciyası barısında Iraktan kämeletke tolmağan 14 bala elge oralğanın. Balalar terrorğa qatısı üşin sottalğan analarımen birge qamauda bolatın.

"The Qazaq Times"