تاياۋ شىعىستاعى سوعىس اۋماقتارىنان ءوز ازاماتتارىن ەلگە قايتارعان قازاقستاننىڭ ارەكەتىنە ەۋروپارلامەنت قولداۋ ءبىلدىردى.

حالىقارالىق ەڭبەك ۇيىمىنىڭ قىزمەتكەرى سايمون حيللز: «قازاقستان وكىمەتىنىڭ سۇرياداعى شيەلەنىس ايماعىندا قالعان ءوز ازاماتتارىنا قولداۋ كورسەتىپ وتىرعانىن جانە ولاردىڭ تۋىستارىن وتانىنا قايتارۋ جولدارىن ىزدەپ جاتقانىن بىلەمىز. ءوز ازاماتتارىنىڭ تاعدىرىنا جاۋاپكەرشىلىكپەن قاراعان قازاقستانىڭ بۇل تاجىريبەسى ءبىز ءۇشىن وتە قىزىق»، — دەيدى.

وكىلدىڭ ايتۋىنشا، ەۋروپالىق وداققا مۇشە ەلدەردىڭ دەنى سۇرياعا كەتكەن ازاماتتارىن قايتارۋعا قۇلىقتى ەمەس. ال قازاقستاندىق تاجىريبە ەۋروپالىق ساياساتكەرلەر مەن ساراپشىلاردىڭ قىزۋ تالقىسىنا ءتۇسىپ، ۇلكەن قىزىعۋشىلىق تۋدىرعان.

ەسكە سالا كەتەيىك، جۋسان وپەراتسياسى ارقىلى ءسۇريادان 595 ادام، ال رۋسافا وپەراتسياسى بارىسىندا يراكتان كامەلەتكە تولماعان 14 بالا ەلگە ورالعانىن. بالالار تەررورعا قاتىسى ءۇشىن سوتتالعان انالارىمەن بىرگە قاماۋدا بولاتىن.

"The Qazaq Times"