Bilim jäne ğılım ministri Ashat Aymağambetov. Körneki kollaj. Foto: aşıq derekköz

Bügin Qazaqstan parlamentiniñ tömengi palatası «Pedagog märtebesi turalı» zañ jobasın maqwldadı.

Bilim jäne ğılım ministri Ashat Aymağambetov 19 baptı qamtitın zañ jobası bir jarım millionnan astam mwğalimniñ jwmısına qatıstı mañızdı qwjat. Zañ jobası negizinen tört bağıt boyınşa özgeris jasaudı közdeydi: jüktemeni azaytu, pedagog qızmetine talaptı küşeytu, materialdıq twrğıda ıntalandıru jäne materialdıq emes mehanizmder.

Ministrdiñ aytuınşa, oqılım kezinde zañ jobasındağı mwğalimder eldiñ qoğamdıq ekonomikalıq damuına üles qosuı kerek degen bölik alınğan, sebebi zañnıñ bwl böligin keybir basşılar «asıra paydalanuı mümkin» degen küdik aytılğan.

Endi «mwğalimderdi öz mindetine kirmeytin basqa jwmısqa tartqan nemese orınsız esep beruin talap etken kez kelgen basşı ne qızmetrkerlerge 20-dan 120 AEK-ke deyin ayıppwl salınbaq».

Ministr Aymağambetovtiñ sözinşe, qazir mwğalimder ortaşa jalaqı köleminiñ 65%-ın ğana aladı. Eger zañ jobası jıl soñına deyin qabıldansa, kelesi jıldan bastap, mwğalimderdiñ jalaqısın 25%-dan bastap ösiru qarastırılğan.

– Mwnday jwmıstar qañtar ayınan bastaladı. Sınıp jetekşisi bolğanı üşin jäne däpter teksergeni üşin üstemaqını eki esege wlğaytu bwl 182 mıñ pedagogtı qamtidı. Sonımen birge mwğalimderdiñ demalısın 56 künge deyin wlğaytu közdelgen. Qazir olar 42 kün demaladı, – dedi bas mwğalim.

Al zañdı jüzege asıruğa bes jıl işinde 5,3 trillion teñge qarajat qajet körinedi. Ministrdiñ özi moyındağanday, ädette Qazaqstanda mwğalimder qauımı äkimşilik is-şaralarğa mäjbürli türde (2017 jılğı EKSPO, Saylau nauqandarı men sanaqtar) qatıstıratının, direktorlar biliktik gazet-jurnaldarğa qinap jazdıratının aytıp, jii şağımdanadı. El işinde «ükimettiñ qol balası» dep atalıp ketken pedagogtardıñ twrmısı men käsibi biligin damıtuğa mümkindigi jetiñkire bermeytini köp talqılanıp keledi. Mwğalim qızmetine bilik pen bwhara qwrmetpen qaraudı «zañ küşimen iske asıru mümkin emes» deydi key sarapşılar.

Jazdan beri «köptiñ qızu talqısına tüsken» zañ jobasın Mäjilis deputattarı birinşi oqılımda maqwldap qabıldadı. Joba Senat talqılauına ötedi. Zañ jobasınıñ tolıq mätinin mına jerden oqi alasız.

"The Qazaq Times"