Nazarbaev Nwr Otan partiyasınıñ keñesine qatısıp otır. Foto: A.Ükibaydıñ twitter paraqşasınan

Qazaqstannıñ eks-prezidenti Nwrswltan Nazarbaevtıñ qatısuımen Nwr Otan  partiyasınıñ öñirlik filialdarı köleminde keñes ötip jatır.

Nazarbaevtıñ qazaqşa az jazatın baspasöz hatşısı Aydos Ükibay «Jiın barısında söz alğan Nazarbaev partiya müşelerine Qazaqstan prezidenti Qasım-Jomart Toqaevtıñ aynalasına birigudiñ qajettiligin jäne sayasi bağıttıñ sabaqtastığın jalğastırudı qaytadan eske saldı», – dep jazdı öziniñ twitter paraqşasında.

«Biliktik partiyanıñ» aumaqtıq filaldarı ökilderiniñ basqosuına ükimet basşısı Asqar Mamin men partiya jetekşileriniñ biri Bauırjan Baybek qatısıp jatır.

Biıl eldegi sayasi procesterdiñ üdeui qoğam sanasın qozğap, är türli qızu dikussiyalar jürgeni mälim. Qazaqstannıñ eks-prezidenti Nazarbaevtıñ öz ornına «wzaq jıldar boyı dayındağan» Toqaevtı tağayındauı, artınşa Prezidenttik saylau, köpbalalı äyelder men jwmısşılardıñ jarası pisken talaptarı... jastardıñ «kreativti» akciyaları, partiya qwruğa talpınğan taraptardıñ köbeyui... Eñ soñğısı, qazannıñ 9-ı  memleket basşısı Toqaev qol qoyğan  atışulı №184 jarlığı («QR Prezidentiniñ keybir aktilerine özgerister men tolıqtırular engizu turalı»)  qoğamda qızu talqığa tüsti. Keybir sarapşılar «bolmağan bilik tranzitin eks-basşığa psevdoräsimdeu» dep bağalasa, azamattıq qoğam arasında «qosbiliktik» taqırıbı jeldey taradı. Abaev pen Uäli, artınan Qarin birinen soñ biri tüsindirme beruge tırıstı.

Bwğan qatıstı Dos Köşim «Nazarbaevtıñ bilikten tolıq qol üzbegenin körgen basqa özi qoyğan adamdarı, toptarı, joldastarı, «halıq saylağan deputattarı»  äzirge Toqaevtıñ biligin tolıq moyındamaydı. Mwnda adami, psihologiyalıq faktor bar. ...Nazarbaevtıñ bilikti tolıq bermey wstap otırğan sebebi körşi Atambaev pen Karimovtardıñ jayın körip täjiribe bayıttı» degen bolatın. Sayasatker «eks-prezidenttiñ qaluın, äueli – sayasi mädenietsizdik, ekinşiden, bwl – özin qorğauı» dep bağalağan.

«Biliktik partiyanıñ» aumaqtıq filaldarı ökilderiniñ basqosuı. Foto: A.Ükibaydıñ twitter paraqşasınan

"The Qazaq Times"