Şımkenttegi jürgizuşiler ereuili. 20 qaraşa 2019 jıl. Foto: Azattıq/Dilara Isa

Bügin tañerteñ «Şımkent bas avtoparkiniñ» 50-ge juıq qoğamdıq kölik jürgizuşisi jinalıp, jwmısqa şığudan bas tartatının mälimdedi.

Azattıqtıñ habarlauınşa, narazı jürgizuşilerdiñ negizgi talabı –  jalaqını uaqıtında alu jäne onı ösiru. Bes bağıt boyınşa jüretin avtobus jürgizuşileri äli knge deyin qazan ayınıñ jalaqısın almağan.

«179 sağat jwmıs istedim. 16 smena. Oğan 59 666 teñge şıqqan. Zeynetaqığa 5 666 teñge wstadı. Tabıs salığın wstadı. Sonda 53 mıñ teñge taza qolımızğa aldıq. Oğan qalay kün köremiz?» - deydi jürgizuşi Säken Aytuarov.

«24 sağat onındamız. Kölik juu bar, kassa ötkizu bar. Tañğı sağat törtte twramız. Bir kün jospar ötkizbey körşi, jwmısqa şığarmaydı. Bizdiñ qadirimiz qayda? Aylığımız qayda? Bizdiñ bala-şağamız joq pa? Olardı qalay asıraymız?» - deydi konduktorlardıñ biri.

Jinalğan jürgizuşiler aldına bas direktor şığıp, jalaqınıñ keşigip jatqanın rastap, kompaniyanıñ jağdayı kürdeli ekenin ayta ketti.

«Marşruttardıñ 70 payızı özin-özi ötemeydi. Mwnı jwmısşılardıñ bäri biledi. Bwlardıñ aylıqtarına jetpeydi. Biraq soğan qaramastan keşiktirip berip jatırmız», - dedi «Şımkent bas avtoparki» kompaniyasınıñ direktorı.

Oqiğa ornına policiya kelip, baqılap twr. Qalada 12 bağıt boyınşa jwmıs jasaytın «Şımkent bas avtoparkinde» 480 jwmısşı bar.

"The Qazaq Times"