Jol apatı orın alğan aymaq. Körneki suret. Foto: aşıq derekköz

Bıltırğa qarağanda biıl elimizde jol-kölik oqiğalar sanı 5%-ğa ösken.  Saldarınan 15 mıñ adam zardap şegip, är türli deñgeyde jaralanğan. Eñ jii kezdesetin jağday – jayau jürginşilerdi qağıp ketu oqiğaları men kölikter soqtığısı.

Qatelikti keşirmeytin jol qatınastarına qatıstı derekterdi estigende töbe şaşıñ tik twradı. Boy tiksinter suıq sandardıñ beybit küni azaymay twrğanı alañdatadı. Biıl tamız ayınıñ soñındağı esep boyınşa, Qazaqstanda 3,7 million jeñil avtokölik bar. Bwl körsetkiş bıltırmen salıstırğanda 8%-ğa az (2018 jıldıñ tamızı – 4 million j.a.). 2019 jılı jeke twlğalardıñ atındağı jeñil avtokölikter ülesi 94,5%-dı qwrasa, zañdı twlğalarğa – 5,5% ğana tiesili. Al qañtar-tamız aylarında el aumağında 572,8 mıñ jeñil avtokölik tirkelgen.

Däl osı aralıqta 10,1 mıñ jol-kölik oqiğası orın alıp, bıltırğı dedlaynmen salıstırğanda apat körsetkişi 4,6% -ğa östi. Saldarınan 14 900 adam jol-kölik apatınan zardap şekken. 13,4 mıñı jaralanğan bolsa, onıñ 2,6 mıñı kämeletke tolmağan balalar men jasöspirimder.

Qazaqstan ekonomikasına monitoring jürgizuşi Ranking.kz zerdeleu jobasınıñ dereginşe, atalğan auqımdı apattıñ kesirinen 1300 azamat qaytıs bolğan: 959-ı er adam jäne 377-si äyel kisi, eñ ökiniştisi 146-sı kämeletke tolmağandar.

Jol-kölik oqiğalarınıñ köpşiligi Almatı (3,1 mıñ) qalası men Almatı (1,5 mıñ) jäne Jambıl (794) oblıstarında boladı.

"The Qazaq Times"