بىلتىرعا قاراعاندا بيىل ەلىمىزدە جول-كولىك وقيعالار سانى 5%-عا وسكەن. سالدارىنان 15 مىڭ ادام زارداپ شەگىپ، ءار ءتۇرلى دەڭگەيدە جارالانعان. ەڭ ءجيى كەزدەسەتىن جاعداي – جاياۋ جۇرگىنشىلەردى قاعىپ كەتۋ وقيعالارى مەن كولىكتەر سوقتىعىسى.
قاتەلىكتى كەشىرمەيتىن جول قاتىناستارىنا قاتىستى دەرەكتەردى ەستىگەندە توبە شاشىڭ تىك تۇرادى. بوي تىكسىنتەر سۋىق سانداردىڭ بەيبىت كۇنى ازايماي تۇرعانى الاڭداتادى. بيىل تامىز ايىنىڭ سوڭىنداعى ەسەپ بويىنشا، قازاقستاندا 3,7 ميلليون جەڭىل اۆتوكولىك بار. بۇل كورسەتكىش بىلتىرمەن سالىستىرعاندا 8%-عا از (2018 جىلدىڭ تامىزى – 4 ميلليون ج.ا.). 2019 جىلى جەكە تۇلعالاردىڭ اتىنداعى جەڭىل اۆتوكولىكتەر ۇلەسى 94,5%-دى قۇراسا، زاڭدى تۇلعالارعا – 5,5% عانا تيەسىلى. ال قاڭتار-تامىز ايلارىندا ەل اۋماعىندا 572,8 مىڭ جەڭىل اۆتوكولىك تىركەلگەن.
ءدال وسى ارالىقتا 10,1 مىڭ جول-كولىك وقيعاسى ورىن الىپ، بىلتىرعى دەدلاينمەن سالىستىرعاندا اپات كورسەتكىشى 4,6% -عا ءوستى. سالدارىنان 14 900 ادام جول-كولىك اپاتىنان زارداپ شەككەن. 13,4 مىڭى جارالانعان بولسا، ونىڭ 2,6 مىڭى كامەلەتكە تولماعان بالالار مەن جاسوسپىرىمدەر.
قازاقستان ەكونوميكاسىنا مونيتورينگ جۇرگىزۋشى Ranking.kz زەردەلەۋ جوباسىنىڭ دەرەگىنشە، اتالعان اۋقىمدى اپاتتىڭ كەسىرىنەن 1300 ازامات قايتىس بولعان: 959-ى ەر ادام جانە 377-ءسى ايەل كىسى، ەڭ وكىنىشتىسى 146-سى كامەلەتكە تولماعاندار.
جول-كولىك وقيعالارىنىڭ كوپشىلىگى الماتى (3,1 مىڭ) قالاسى مەن الماتى (1,5 مىڭ) جانە جامبىل (794) وبلىستارىندا بولادى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى