Amerikalıq elektromobil' öndiretin auqımdı koncern Tesla-nıñ Europadağı alğaşqı zauıtı Berlindegi jaña äuejaydıñ janınan twrğızılmaq. Bwl turalı Tesla-nıñ basşısı Ilon Mask mälimdedi.

Masktıñ aytuınşa, Berlindegi zauıtta elektromobil'diñ soñğı ülgisinen bastap batareyağa deyin öndiriledi. Zauıtta injenerlik jäne dizaynerlik ortalıq jwmıs isteydi. Jaña joba ayasında 10 mıñğa juıq jaña jwmıs ornı aşılmaq.

Biıl Los-Andjeleste Tesla Model Y jaña elektromobiliniñ tanıstırılımında kompaniya Londonnan Beyjiñge deyin Supercharger quattau beketteriniñ jahandıq jelisin qwratının aytqan. Sonımen birge äleumettik jelide tarağan tanıstırılımğa qazaqstandıqtardıñ qatısqanı jäne kompaniya basşısı Ilon Maskke Qazaqstanda beket aşudı wsınğanı turalı beynejazbalar payda boldı. Jauap retinde Ilon Mask Qazaqstanda quattau beketterin aşuğa uäde bergen. «Qazaqstanda öte jaqsı qoldau bildirip jatır. Onda da Supercharger ornatamız dep oylaymın», – dedi Ilon Mask.

Model Y köligine 15 dyuym bolatın basqaru ekranı, dıbıs jüyesi ornatılğan jäne töbesi şınımen jabılğan. Standard Range nwsqasında sağatına 100 şaqırımğa deyin 5, 9 sekundta otaladı, Performance nwsqasında – 3,5 sekund. Quattalğan elektromobil'men 320 jäne 450 şaqırım jüruge boladı.

"The Qazaq Times"