امەريكالىق ەلەكتروموبيل وندىرەتىن اۋقىمدى كونتسەرن Tesla-نىڭ ەۋروپاداعى العاشقى زاۋىتى بەرليندەگى جاڭا اۋەجايدىڭ جانىنان تۇرعىزىلماق. بۇل تۋرالى Tesla-نىڭ باسشىسى يلون ماسك مالىمدەدى.

ماسكتىڭ ايتۋىنشا، بەرليندەگى زاۋىتتا ەلەكتروموبيلدىڭ سوڭعى ۇلگىسىنەن باستاپ باتارەياعا دەيىن وندىرىلەدى. زاۋىتتا ينجەنەرلىك جانە ديزاينەرلىك ورتالىق جۇمىس ىستەيدى. جاڭا جوبا اياسىندا 10 مىڭعا جۋىق جاڭا جۇمىس ورنى اشىلماق.

بيىل لوس-اندجەلەستە Tesla Model Y جاڭا ەلەكتروموبيلىنىڭ تانىستىرىلىمىندا كومپانيا لوندوننان بەيجىڭگە دەيىن Supercharger قۋاتتاۋ بەكەتتەرىنىڭ جاھاندىق جەلىسىن قۇراتىنىن ايتقان. سونىمەن بىرگە الەۋمەتتىك جەلىدە تاراعان تانىستىرىلىمعا قازاقستاندىقتاردىڭ قاتىسقانى جانە كومپانيا باسشىسى يلون ماسككە قازاقستاندا بەكەت اشۋدى ۇسىنعانى تۋرالى بەينەجازبالار پايدا بولدى. جاۋاپ رەتىندە يلون ماسك قازاقستاندا قۋاتتاۋ بەكەتتەرىن اشۋعا ۋادە بەرگەن. «قازاقستاندا وتە جاقسى قولداۋ ءبىلدىرىپ جاتىر. وندا دا Supercharger ورناتامىز دەپ ويلايمىن»، – دەدى يلون ماسك.

Model Y كولىگىنە 15 ديۋيم بولاتىن باسقارۋ ەكرانى، دىبىس جۇيەسى ورناتىلعان جانە توبەسى شىنىمەن جابىلعان. Standard Range نۇسقاسىندا ساعاتىنا 100 شاقىرىمعا دەيىن 5, 9 سەكۋندتا وتالادى، Performance نۇسقاسىندا – 3,5 سەكۋند. قۋاتتالعان ەلەكتروموبيلمەن 320 جانە 450 شاقىرىم جۇرۋگە بولادى.

"The Qazaq Times"