Donal'd Tramp AQŞ prezidenti qızmetine kelgennen keyin Orta Şığıstağı AQŞ-tıñ strategiyaların jañartıp, äskeri aralasulardı azaytatının mälimdegen. Bwl uädesiniñ jalğası retinde Auğanstan men Süriyadağı amerikalıq äskerlerdi şığarudıñ birneşe qadamın da jasağan bolatın. Alayda, Orta Şığıstağı äskeri ıqpal mäselesinde Aq üy men Pentagon pikir birliginde emes ekeni osı eldiñ Süriya men Auğanstandağı äreketterinen körinip otır.

Bir kün bwrın Pentagon tarabı AQŞ Orta Şığıstağı äskeri mümkindikterin saqtap qaluğa müddeli ekenin ayttı. AQŞ armiyası ortalıq qolbasşılıq Bas şabınıñ generalı Mark Milli öz mälimdemesinde Orta Şığısta AQŞ äskerlerin saqtap twru jäne ondağı qauipsizdik mümkindikterin arttıru wlttıq qauipsizdik strategiyasınıñ talabı ekenin ayttı.

AQŞ äskeri şendisiniñ mälimdeuinşe Süriya jerinde AQŞ-tıñ 600-den asa jauıngeri qaladı. Pentagonnıñ aytuınşa, Süriyada qaldırılğan AQŞ äskerleri elde lañkestik toptardıñ qaldıq küşterimen küresti jalğastıra beredi.

AQŞ-tıñ Orta Şığıs elderinde äsker ornalastıruı Resey, Iran sekildi öñirdegi ıqpalın keñeytudi maqsat etken elder üşin wnamsız. Iran qorğanıs ökilderi AQŞ-tıñ Auğanstandağı jäne Süriyadağıya äreketin arandatu retinde körsetuge tırısadı. Bwl rette Iran tarabı AQŞ-tıñ 2001 jılı Auğanstanda qauipsizdik ornatudı maqsat etken äreketterinen keyin Auğanstan jağdayınıñ tipti de qiınday tüskenin alğa tartadı.

“The Qazaq Times”