Mäjilis deputatı Irina Smirnova . Foto: sputniknews.kz

Mäjilis deputatı Irina Smirnova aldağı jılı qoldanılısqa tüsetin 19 baptan twratın «Pedagog märtebesi turalı» zañ jobasına qatıstı tolıqtırular engizu qerektigin ayttı.

«Pedagogtar käsibi qızmetine qatısı joq mindettemelerge boywsınıp jür.  Bügingi tañda olardıñ jwmısı köp, jalaqısı az. Bizge zañ arqılı mwğalimderdi senbilikterge, saylaualdı ügit-nasihat jwmıstarına tartuğa tıyım salu jäne jalaqıların joğarılatuğa qol jetkizu qajet. Mwğalimderdi käsibi qızmetinen tıs jwmısqa jwmıldırğan azamattardı äkimşilik jauapkerşilikke tartu mäselesi nazardan tıs qalmauğa tiis.  Zañsızdıqqa jol bergender 20-dan 120 aylıq eseptik körsetkişke deyin ayıppwl töleui kerek»,  – dedi deputat.

Smirnovanıñ sözinşe,  «mwğalimniñ sorı – saylau men senbilik».  «Wstaz ben şäkirt köşe kezbey, därishanada otıruı kerek» degenine qaramastan, Qazaqstanda ünemi saylau, sanaq, auqımdı is-şaralar pedagogtardıñ jügirisimen iske asırılatını jasırın emes. Bwğan biılğı Qazaqstan prezidentin ayqındau üşin ötkizilgen kezekten tıs saylau da dälel bola aladı. Älemjelide keñ tarağan saylau barısınıñ beynematerialdarınan zır jügirgen mwğalimderdiñ ayanıştı hälin köruge boladı.

Deputat wsınısına vedomstvo (bilim jäne ğılım ministrligi) ökili Ğalımjan Jwmaşev atalğan qwqıq bwzuşılıqtar boyınşa ministrlik janındağı baqılau departamentine nemese «tikeley jelige» arız-şağım tüsse, mamandar mäseleniñ aq-qarasın anıqtap, naqtı şara qoldanatanın aytıp, jauır bolğan mäseleden basın alıp qaşuğa tırıstı.

«Mwğalim öz mindetin orındauı kerek. Onıñ mindeti tayğa tañba basqanday körsetilgen. Ol oquşıların ertip, äkimdermen bolatın kezdesuge, senbilikke, saylauğa baruğa tiisti emes. Ol qalalıq merekelerge basşılıqtıñ küşteuimen kelmeui kerek, – deydi deputat. Deputattıñ datı: mwğalim sapalı bilim men tağlımdı tärbiemen ğana aynalısıp, bası artıq basqa şarualar men kez kelgen şara üşin qosımşa tölem jürgizilui şart.

"The Qazaq Times"