![](https://qazaqtimes.com/kk/content/uploads/2017/07/2041929-800x480.jpg?token=0099f8eef865cee6d80355aad486cb57)
Özderin «Islam memleketi» dep atağan, bwdan 5 jıl bwrın Irak pen Süriya jerinde «halifat» jariyalap, älem elderin äbigerge salıp terrorlıq top öziniñ jaña liderin jariyaladı. Bwdan bwrın AQŞ-tıñ arnayı jasağı atalğan terrorlıq toptıñ bwrınğı lideri äl-Bağdatidı arnayı operaciya barısında öltirgenin mälimdegen bolatın.
«IM» terrorlıq tobına qatıstı aqparat közderinde aytıluınşa wyımnıñ jaña lideriniñ esimi – Abu Ibragim äl-Haşemi äl-Kuraşi. Top işinde Haşemi atımen köbirek tanıs. Biraq, ol turalı tolıq mälimet berilmedi, tek onıñ «jihad» jäne «küres ardageri» ekenin aytqan. Bwğan qosa terrorlıq toptıñ «resmi ökili» (baspasöz mälimdemeşisi degenge wqsas) de özgergen. Jihadşıl toptıñ mälimdemelerin bwdan bılay Abu Hamza äl-Kuraşi jasamaq.
Lañkestik toptıñ bwnday mälimdeme jasauı bwrınğı lideri äl-Bağdatidıñ ölgenin rastaumen birdey. Oğan qosa bir kün bwrın Pentagon tarabı äl-Bağdatidı nısanağa alğan qarulı operaciyanıñ video taspasın jariya etti. Onda terrorşıldardıñ atamanı jasırınğan twraqqa arnayı jasaqtıñ qalay basıp kirgenin jäne äueden jasalğan soqqılardı anıq köruge boladı.
«IM» terrorlıq tobınñ lideri äl-Bağdatidıñ ölgenin mälimdegen kezde AQŞ prezidenti Donal'd Tramp «Älem bwrınğıdan älde qayda qauipsiz bola tüsti», – degen bolatın. Tramptıñ bwl sözin teristegendey «IM» tobı öziniñ jaña liderin jariya etip, äli de belsendi küyde ekenin añğartqanday boldı. Älem aqparat qwraldarında atalğan jihadşıl toptıñ qazirgi jağdayı turalı tolıq äri naqtı derekter tım az. Biraq, birqatar şeteldik aqparat qwraldarı «IM» tobı tolığımen joyılmağanın, onıñ jaqtastarı aldağı uaqıtta özge elderde äreket etui mümkin ekenin eskertip keledi.