Tayuan prezidenti AQŞ-qa alğıs ayttı. Foto: VOA.

Bügin Tayuan (Tayvan') prezidenti Cay Iıñvın hanım Tayuandağı AQŞ qauımdastığınıñ prezidenti Riçard Buşpen kezdesken. Kezdesude belgili bolğanınday, soñğı birneşe ayda AQŞ Kongresi men atqaruşı biligi Tayuannıñ halıqaralıq baylanıstarına belsendi qoldau körsetken, keşe ğana AQŞ Senatı birauızdan «Taybey aktisin» qabıldasa, bügin Palatanıñ Sırtqı ister komiteti de Ökilder palatasınıñ nwsqasın qabıldağan.

Riçard Buşpen kezdesude Cay hanım AQŞ Kongresiniñ qoldauına alğısın bildirgen. Äri, AQŞ-tıñ qoldauı Tayuandağı demokratiyanıñ saqtaluına, Ündi-Tınıq mwhit aymağındağı beybitşilik, twraqtılıqtıñ damuına üles qosuğa mümkindik beretinin aytqan.

Tayuan prezidentiniñ pikirinşe, Qıtaydıñ damuı men ıqpal köleminiñ keñeyui bostandıq pen demokratiyağa qauip töndiredi. Ol jäne Tayuannıñ Tınıq mwhitı men Ündi mwhitı aymağınıñ şekarasında ornalasqanın, sondıqtan da aymaqtıñ beybitşiligin, twraqtılığın saqtauğa bar küşin jwmsaytının aytqan.

Ayta keteyik, Beyjiñ biligi Tayuandı QHR-ğa täueldi provinciyalardıñ biri dep körsetuge tırısadı. Äri, Tayuannıñ basqa eldermen diplomatiyalıq qarım-qatınas ornatuına şekteu qoyadı. Qıtaydıñ ekonomikalıq damuı jäne ıqpalınıñ artuına baylanıstı Tayuanmen diplomatiyalıq qatınas ornatqan elder sanı jıl sayın azayıp keledi. Soğan qaramastan, Tayuan halıqaralıq arenadağı öz ornın saqtap qaluğa küş saluda.

“The Qazaq Times”